09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Բժիշկներին հաջողվել է կայունացնել Նավալնիի վիճակը
Հասարակություն
20.08.2020 | 16:29
Բժիշկներին հաջողվել է կայունացնել քաղաքական գործիչ Ալեքսեյ Նավալնիի վիճակը: Այս մասին լրագրողներին ասել է Օմսկի շտապօգնության թիվ 1 հիվանդանոցի գլխավոր բժշկի տեղակալ Անատոլի Կալինիչենկոն, գրում է ՏԱՍՍ-ը:
Անատոլի Կալինիչենկոն նշել է, որ դաշնային կենտրոնների և երկրի առաջատար մասնագետների հետ իրականացնում են հեռահար բժշկական խորհրդատվություններ և քննարկում Նավալնիի առողջական վիճակը:
«Բոլոր ախտորոշիչ միջոցառումներն իրականացվել են ճիշտ և ամբողջությամբ: Մեզ հաջողվել է կայունացնել նրա վիճակը »,- Կալինիչենկոն ասել է լրագրողներին՝հավելելով, որ դեռևս չեն պատրաստվում Նավալնիին տեղափոխել Մոսկվա:
Ինչպես ավելի վաղ տեղեկացրել էինք, ռուսաստանցի ընդդիմադիր գործիչ Ալեքսեյ Նավալնին գտնվում էր վերակենդանացման բաժանմունքում՝ կոմայի մեջ: Նավալնիի մամլո խոսնակ Կիրա Յարմիշի փոխանցմամբ՝ քաղաքական գործչի ինքնազգացողությունը կտրուկ վատացել է օդանավում՝ Տոմսկից Մոսկվա թռչելու ժամանակ: Ինքնաթիռը շտապ վայրէջք է կատարել Օմսկում, որտեղ նրան հոսպիտալացրել են անգիտակից վիճակում:
«Մեկ տարի առաջ Ալեքսեյին թունավորել են, երբ նա գտնվում էր կալանավայրում: Ակնհայտ է, որ հիմա էլ են նույնն արել»,- Կիրա Յարմիշը գրել էր այսօր Twitter-ի իր էջում: Ըստ նրա՝ Նավալնիին թունավորել են թեյի մեջ ինչ-որ բան խառնելով: «Դա միակ բանն է, որ նա խմել է առավոտյան»,- հավելել էր Յարմիշը:
