01.07.2026 | 13:18
Ռուսաստանի ԶՈւ-ն հարձակում է ծրագրում Չեռնիգովի մարզի վրա․ Սիրսկի
Արցախի կառավարությունը 5 միլիոն դրամ կտրամադրի այն երիտասարդ ընտանիքներին, որոնք գյուղական համայնքներում տուն են կառուցում
Հասարակություն
20.08.2020 | 15:21
Արցախի Կառավարությունը սեպտեմբերի 1-ից 5 միլիոն դրամ կհատկացնի Արցախի գյուղական վայրերում բնակելի տներ կառուցող երիտասարդ ընտանիքներին։ Այս մասին տեղեկանում ենք Արցախի նախագահ Արայիկ Հարությունյանի ֆեյսբուքյան էջից։
«Մոտ հինգ տարի առաջ կառավարությունը սկսել էր մի ծրագիր, որով 3 միլիոն դրամ էր անհատույց տրամադրում մեր այն երիտասարդ ընտանիքներին, որոնք գյուղական համայնքներում տուն էին կառուցում: Նախընտրական խոստմանս համաձայն՝ «Արցախի Հանրապետության գյուղական և քաղաքային՝ բացառությամբ Ստեփանակերտ և Շուշի քաղաքների, բնակավայրերում մշտապես բնակվող երիտասարդ ընտանիքներին բնակելի տներ կառուցելու նպատակով անհատույց պետական ֆինանսական աջակցություն տրամադրելու մասին» ԱՀ կառավարության N 353-Ն որոշման մեջ արդեն կատարել ենք հետևյալ երկու կարևոր փոփոխությունները, որոնք սեպտեմբերի 1-ից ուժի մեջ կմտնեն. Ա) Նշված նպատակով տրամադրվող երեք միլիոն դրամը դարձել է հինգ միլիոն դրամ: Բ) Սահմանված տարիքային շեմը 40-ից դարձել է 50: Կարծում եմ՝ այս փոփոխությունները կարևոր խթան կդառնան գյուղական համայնքների համաչափ զարգացման և բնակարանաշինության համար՝ բարելավելով բազմաթիվ ընտանիքների կենսապայմանները: Ուստի մեծ ուրախությամբ ստորագրեցի կառավարության այս որոշումը»,- գրել է Արցախի նախագահը։
