26.04.2026 | 14:19
Կվերականգնվի 19-րդ դարի «Քարակարմունջ» կամուրջը
Ամոթ է վարկաբեկել մահվան բերանին կանգնած սպաներին. Սերժ Սարգսյան. ՏԵՍԱՆՅՈՒԹ
Քաղաքականություն
19.08.2020 | 13:55
Բոլոր ժամանակներում, գոնե մինչև 2018թ․-ի ապրիլը բանակը մեր երկրի ամենահեղինակավոր կառույցներից է եղել։ Այս մասին լրագրողների հետ հանդիպմանը հայտարարեց Սերժ Սարգսյանը։
«Ես ասում եմ սոցիոլոգիական ուսումնասիրությունների արդյունքներ, որոնց պատվիրատուները շատ տաբեր քաղաքական ուժեր են հանդիսանում, և սա որևէ մեկը չի կարող ժխտել։ Այլ խնդիր է, որ որոշ կառույցներ հատկապես զբաղվում էին բանակը վարկաբեկելու պրոցեսով։ Նորից եմ կրկնում, որ որևէ կառույց չի կարող առանց թերությունների աշխատել, հնարավոր չի և ոչ միայն մեր երկրում, այլև ամբողջ աշխարհում»,- ընդգծեց պաշտոնաթող նախագահը։
Սերժ Սարգսյանը շեշտեց՝ քննադատությունից պետք չէ խուսափել, որովհետև դա անխուսափելի է, բայց խոսքը վարկաբեկելու մասին է։
«Ամոթ է վարկաբեկել այն բանակը, և ընդհանրապես ցանկացած բանակ, որն իր ժողովրդին այսպիսի հաղթանակներ է բերել։ Ամոթ է վարկաբեկել այն սպաներին ու զինվորներին, որոնք առավոտից երեկո կանգնած մահվան բերանին պաշտպանում են մեր հայրենիքը։ Անթույլատրելի է այդպիսի բաներ անելը։ Ինչ վերաբերում է խոսելուն, մենք միշտ էլ խոսել ենք։ Ե՛վ մեր ուրախ օրերին, և՛ մեր տխուր օրերին բանակի հետ շփումների պակաս երբեք չի եղել և բանակի մասին խոսելու պակաս երբեք չի եղել։ Այնպես որ այլ հանգամանքներով են պայմանավորված բանակի վարկաբեկման ջանքերը, և ես ուրախ եմ, որ հիմա այդպիսի փորձեր գրեթե չկան և եթե կան, նախկին ժամանակահատվածին են վերաբերում, դա էլ էլի լավ է»,- նկատեց նախագահը։
Մանրամասները՝ տեսանյութում:
