02.02.2026 | 12:42
Ռուսական զորքերը հարվածել են Չերկասիի և Դնեպրոպետրովսկի մարզերին. վիրավորներ կան
«100 գաղափար Հայաստանի համար» մրցույթը դարձել է համահայկական
Հասարակություն
04.12.2017 | 16:23
Այսօր՝ դեկտեմբերի 4-ին Երևանում կկայանա «100 գաղափար Հայաստանի համար» համահայկական երիտասարդական մրցույթի եզրափակիչ փուլ անցած լավագույն նորարարական նախագծերի և գիտատեխնիկական մշակումների ցուցահանդես-ներկայացումը:
Ցուցահանդես-ներկայացումից հետո տեղի կունենա փորձագիտական հանձնաժողովի նիստ և հեղինակների (հեղինակային խմբերի) կողմից նախագծերի պաշտպանություն (ներկայացման ձևով): Նիստի ավարտին Հանձնաժողովը, ըստ հաստատված անվանակարգերի, կհրապարակի նախագծերի վերջնական գնահատականները և կներկայացնի դրանք Կազմկոմիտեին՝ Հանձնաժողովի գնահատականներն ամփոփելու և երեք հաղթող նախագծերի անուննները հանրայնացնելու համար:
Այնուհետև տեղի կունենա Մրցույթի ամփոփման հանդիսավոր արարողությունը: Մրցույթի հաղթողները կստանան առաջին, երկրորդ և երրորդ կարգի խրախուսական պարգևներ և հավաստագրեր:
«100 գաղափար Հայաստանի համար» համահայկական երիտասարդական մրցույթը մշակվել և իրականացվում է ՀՀ սպորտի և երիտասարդության հարցերի նախարարության կողմից: Մրցույթի նպատակն է զարգացնել երիտասարդների նորարարական մտածողությունը, երիտասարդներին ներգրավել Հայաստանի Հանրապետության սոցիալ-տնտեսական զարգացման խնդիրների լուծման գործընթացներում, խթանել գիտատեխնիկական մշակումներ և նորարարական նախագծեր իրականացնելու քաղաքացիական նախաձեռնությունները:
2017 թվականից մրցույթը դարձել է համահայկական, և մրցույթին մասնակցելու հնարավորություն ունեն Հայաստանի և սփյուռքի 16-35 տարեկան երիտասարդները կամ հեղինակային խմբերը:
