09.09.2026 | 11:42
Ծովինար Վարդանյանը՝ ԱԺ ֆինանսավարկային և բյուջետային հարցերի մշտական հանձնաժողովի փոխնախագահ
Առևտրաշրջանառությունը երկրորդ եռամսյակում էականորեն նվազել է
Տնտեսություն
11.08.2020 | 23:02
Կորոնավիրուսն ու դրանով պայմանավորված սահմանափակումները իրենց ազդեցությունն են ունեցել նաև առևտրաշրջանառության վրա։ Պետական վիճակագրական ծառայության հրապարակած ցուցանիշներից տեղեկանում ենք, որ 2020 թվականի երկրորդ եռամսյակում Հայաստանի Հանրապետությունում առևտրաշրջանառությունը նվազել է 20,9 %-ով նախորդ տարվա նույն ժամանաշրջանի համեմատ։
Ավելի մեծ տեմպերով նվազում է նկատվում մանրածախ առևտրի ծավալներում։ Տարվա երկրորդ եռամսյակում 14,4 %-ով նվազել է մեծածախ առևտրի շրջանառությունը նախորդ տարվա նույն ժամանակաշրջանի համեմատ՝ կազմելով 320 369.8 մլն դրամ, 27,2 %-ով էլ նվազել է մանրածախ առևտրի շրջանառությունը՝ կազմելով՝ 264 102 մլն դրամ։
Սա վկայում է այն մասին, որ բնակչության շրջանում նվազել է գնողունակությունը, մարդիկ սկսել են քիչ առևտուր անել, ինչն էլ իր հերթին էական ազդեցություն ունի տնտեսական ակտիվության ցուցանիշի վրա։
Իսկ տարվա առաջին կեսին առևտրաշրջանառությունը նախորդ տարվա նույն ժամանակաշրջանի հետ համեմատ նվազել է 11,1 %-ով՝ կազմելով 1 տրլն 262 մլն դրամ։ Մանրածախ առևտրի ծավալը կազմել է 579 960.6 մլն դրամ, մեծածախ առևտրինը՝ 640 009.1 մլն դրամ։
