06.04.2026 | 15:00
Ես զինվորների լողանալու հարցով ի պաշտոնե չեմ զբաղվում. Արման Սարգսյան․ ՏԵՍԱՆՅՈՒԹ
Էրդողանը Անկարայում հանդիպել է Ադրբեջանի արտաքին գործերի ու պաշտպանության նախարարների հետ
Քաղաքականություն
11.08.2020 | 18:28
Թուրքիայի նախագահ Ռեջեփ Թայիփ Էրդողանն այսօր ընդունել է պաշտոնական այցով Անկարայում գտնվող Ադրբեջանի արտաքին գործերի նորանշանակ նախարար Ջեյհուն Բայրամովի ու պաշտպանության նախարար Զաքիր Հասանովի հետ։
Ինչպես հաղորդում է թուրքական Anadolu գործակալությունը, նրանց զրույցը տևել է 45 րոպե, որի բովանդակության մասին, սակայն, ոչինչ չի ասվում։
Նշենք, որ Ադրբեջանի արտաքին գործերի նորանշանակ նախարար Ջեյհուն Բայրամովն այսօր իր առաջին արտասահմանյան պաշտոնական այցով մեկնել է Թուրքիա։ Նա հանդիպել է Թուրքիայի արտաքին գործերի նախարար Մևլութ Չավուշօղլուի հետ։ Երկու նախարարները միասին հանդես են եկել ասուլիսով։ Չավուշօղլուն վստահեցրել է, որ Թուրքիան Ղարաբաղում Ադրբեջանի ցանկացած գործողության կաջակցի։
«Ինչ որոշում էլ Ադրբեջանն ընդունի, մենք նրան կաջակցենք»,- ասել է Չավուշօղլուն, հերթական անգամ մեղադրելով ԵԱՀԿ Մինսկի խմբին՝ հակամարտության կարգավորման համար բավարար ջանքեր չգործադրելու մեջ։
Նշենք նաև, որ եթե Ջեյհուն Բայրամովի այցի մասին նախապես հաղորդվել էր, ապա Ադրբեջանի ՊՆ Զաքիր Հասանովի՝ Թուրքիա կատարելիք այցի մասին տեղեկատվություն չկար։
Էմմա Չոբանյան
