10.12.2025 | 21:28
Կրոնական ազատությունը Հայաստանում ժողովրդավարության կարևոր բաղադրիչներից է։
«Հենց մտաք Գյումրի՝ պարտադիր թատրոն գուկաք, քաղքից ելնելուց կհարցնենք՝ թատրոն գնացի՞ք… Ամոթով չմնաք էլի…». Գյումրու գովազդային նոր վահանակները
Մշակույթ
04.12.2017 | 15:00
ՀՀ մշակույթի նախարարությունը տեղեկացնում է, որ Գյումրու Վարդան Աճեմյանի անվան պետական դրամատիկական թատրոնի նախաձեռնությամբ դեկտեմբերի 2-ին գովազդային առաջին վահանակը տեղադրվեց քաղաք ելումուտ անողների համար. մտնողներին Մհեր Մկրտչյանի դիմանկարով վահանակը հորդորում է՝ Պարտադիր թատրոն կերթաք, իսկ դուրս եկողներին հարցնում է՝ Թատրոն գնացի՞ք…
Նույնանման պաստառներ՝ տարբեր ձևաչափերով, որոշ դեպքերում նաև օտար լեզուներով, առաջիկայում կփակցվեն ներքաղաքային և միջքաղաքային տրանսպորտային միջոցներում, այդ թվում՝ Երևան-Գյումրի- Երևան գնացքում։
«Հենց մտաք Գյումրի՝ պարտադիր թատրոն գուկաք, քաղքից ելնելուց կհարցնենք՝ թատրոն գնացի՞ք… Ամոթով չմնաք էլի…»,- վահանակի մասին Ֆեյսբուքի իր էջում այպիսի գրառում է արել Թատրոնի տնօրեն Տիգրան Վիրաբյանը։
