19.12.2025 | 18:58
Ադրբեջանի խորհրդարանը հաստատել է երկրի պատմության մեջ ամենամեծ համաներումը
Սպիտակ տան մոտ հնչած կրակոցների պատճառով Թրամփը լքել է ճեպազրույցների սենյակը
Քաղաքականություն
11.08.2020 | 10:23
Երկուշաբթի օրը Դոնալդ Թրամփը արագ հեռացվել է Սպիտակ տան ճեպազրույցների սենյակից, երբ շենքի մոտակայքում կրակոցներ են հնչել, հաղորդում է CNN-ը:
Մի քանի րոպե անց Թրամփը վերադարձել է ճեպազրույցների սենյակ՝ հաստատելով կրակոցների մասին տեղեկությունը:
«Սպիտակ տան մոտ կրակոցներ են եղել, և, կարծես տարածքը շատ լավ վերահսկվում է: Ուզում եմ շնորհակալություն հայտնել մեր Գաղտնի ծառայությանը՝ իրենց աշխատանքը միշտ արագ և արդյունավետ կատարելու համար», – նա ասել է վերադառնալուց հետո:
Երկուշաբթի ուշ երեկոյան Գաղտնի ծառայությունը հայտարարության է տարածել տեղի ունեցած միջադեպի առնչությամբ: Հայտարարության մեջ նշվում է, որ 51-ամյա մի տղամարդ մոտեցել է Գաղտնի ծառայության սպային Սպիտակ տան մոտ` 17-րդ փողոցի և Փենսիլվանիայի պողոտայի անկյունում:
«Տղամարդը սպային ասել է, թե զենք ունի: Հետո նա կտրուկ շարժում է արել և արագ վազել սպայի ուղղությամբ՝ ինչ-որ բան հանելով հագուստից: Այնուհետև կասկածյալը այնպիսի դիրք է ընդունել, կարծես պատրաստվում է կրակել: Այդ պահին սպան կրակել է կասկածյալի իրանին»,- ասված է հայտարարության մեջ:
Ավելի ուշ իրավապահները CNN-ին հայտնել են, որ վիրավորը զենք չի ունեցել:
