18.11.2024 | 14:28
Երևանի ակումբներում մի շարք խախտումներ են արձանագրվել
Ժողովուրդը կարող է ինչ-ինչ պատճառներով մեզնից երես թեքել, բայց Քոչարյանն ու Սարգսյանը չեն վերադառնա. Հովիկ Աղազարյան. ՏԵՍԱՆՅՈՒԹ
Քաղաքականություն
10.08.2020 | 17:16
ՍԴ դատավորների հարցով կա միասնական որոշում։ Այդ մասին այսօր Factor.am-ի հետ զրույցում ասաց իշխող ուժի պատգամավոր Հովիկ Աղազարյանը՝ խոսելով առաջիկայում խորհրդարանում դատավորի թեկնածուների հարցով սպասվող քվեարկությանը՝ չմանրամասնելով, թե իրենց խմբակցությունն ինչպես է քվեարկելու։
Մեկնաբանելով կառավարության կողմից ներկայացված ՍԴ դատավորի թեկնածու Վահրամ Ավետիսյանի շուրջ առկա քննարկումները՝ կապված նրա հոր պաշտոնավարման շրջանում Մարտի 1-ին առնչվող բազմաթիվ գործերով կայացված որոշումների հետ, որոնց մի մասը հիմա բեկանվում է՝ Աղազարյանն ասաց․ «Որդիները չպետք է պատասխան տան հայրերի արածների համար»։
Ինչ վերաբերում է 2018 թվականին արվող պնդումներին, թե այս իշխանությունը եկել է կառավարելու 2 տարով և վերջին շրջանում Ռոբերտ Քոչարյանի ու Սերժ Սարգսյանի ակտիվացմանը, հրապարակային խոսքին, պատգամավորն ասաց․ «Ժողովուրդը կարող է ինչ-ինչ պատճառներով մեզնից երես թեքել, բայց Ռոբերտ Քոչարյանն ու Սերժ Սարգսյանը չեն վերադառնա երբեք»:
Մանրամասները՝ տեսանյութում:
Մերի Մարտիրոսյան
