08.11.2024 | 21:44
ԵՄ-ն կշարունակի Ուկրաինայի զինված ուժերի վարժական առաքելությունը
Ռուսաստանը և Չինաստանը շատ արագ են առաջ գնում․ որոշ երկրներում մարդիկ կպատվաստեն բավարար չուսումնասիրված դեղերով. Գեյթս
Քաղաքականություն
10.08.2020 | 17:46
Microsoft-ի հիմնադիր Բիլ Գեյթսը մտահոգված է, որ որոշ երկրներում մարդկանց կպատվաստեն կորոնավիրուսի դեմ պատվաստանյութերով, որոնք բավարար չափով ուսումնասիրված չեն և չեն անցել հաստատման գործընթաց, հայտնում է Forbes-ը:
The Wired ամսագրին տրված հարցազրույցի ժամանակ նա կանխատեսել է, որ հարուստ երկրներում համաճարակը մեկ տարի ավելի շուտ կավարտվի` 2021 թ-ին, իսկ մնացած երկրներում՝ 2022 թ-ի վերջին։ Պատճառը, ըստ նրա, պայմանավորված կլինի պատվաստանյութի բարձր գնով և արտադրության մասշտաբներով։ Ըստ նրա՝ թեև պատվաստանյութը կօգնի կանխել վիրուսի տարածումը, դեռևս կան մի շարք անպատասխան հարցեր. պատվաստանյութը կօգնի՞ տարեցներին, որքա՞ն ժամանակ կտևի դրա ազդեցությունը, ի՞նչ կողմնակի ազդեցություններ կարող է այն ունենալ և այլն:
Գեյթսը կանխատեսում է, որ հավանություն կստանան այն պատվաստանյութերը, որոնք իրականում անապահով կամ անարդյունավետ են:
«Ռուսաստանը և Չինաստանը շատ արագ են առաջ գնում: Վստահ եմ, որ աշխարհում ինչ-որ տեղ կլինի պատվաստանյութ, որը կներարկեն հիվանդներին առանց լիարժեք և վերջնական ուսումնասիրման, այնինչ բոլորիս անհրաժեշտ է ևս 3-4 ամիս պատվաստանյութերի փորձարկումների 3-րդ փուլի համար: Պետք է նաև ուսումնասիրել դրանց կողմնակի ազդեցությունը,» – ասել է նա:
