01.07.2026 | 09:33
Սյունիքում փրկարարները փրկել են վիրավոր սպիտակագլուխ անգղի
Վլադիմիր Գասպարյանի նկատմամբ քրեական գործ է հարուցվել
Հասարակություն
10.08.2020 | 11:37
ՀՀ նախկին ոստիկանապետ Վլադիմիր Գասպարյանը ձերբակալված չէ, սակայն այս պահին առկա է հարուցված քրեական գործ՝ 164-րդ հոդվածի հատկանիշներով: Այս մասին Factor.am-ի հետ զրույցում հայտնեցին Ոստիկանության լրատվական ծառայությունից:
Իսկ ՀՀ Քրեական օրենսգրքի 164-րդ հոդվածն ասում է՝ Լրագրողի մասնագիտական օրինական գործունեությանը խոչընդոտելը պատժվում է տուգանքով՝ նվազագույն աշխատավարձի երկուհարյուրապատիկից չորսհարյուրապատիկի չափով:1. Լրագրողի մասնագիտական օրինական գործունեությանը խոչընդոտելը կամ նրան տեղեկություններ տարածելուն կամ տարածելուց հրաժարվելուն հարկադրելը՝
2. Նույն արարքները, որոնք կատարել է պաշտոնատար անձն իր պաշտոնեական դիրքն օգտագործելով՝
պատժվում են տուգանքով՝ նվազագույն աշխատավարձի չորսհարյուրապատիկից յոթհարյուրապատիկի չափով, կամ ազատազրկմամբ՝ առավելագույնը երեք տարի ժամկետով՝ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով՝ առավելագույնը երեք տարի ժամկետով կամ առանց դրա:
3. Սույն հոդվածի առաջին և երկրորդ մասերով նախատեսված արարքները, որոնք կատարվել են լրագրողի կամ նրա մերձավորի կյանքի կամ առողջության համար վտանգավոր բռնություն գործադրելով կամ դա գործադրելու սպառնալիքով`
Հավելենք, որ «Ազատություն» ռադիոկայանը հայտարարություն էր տարածել, թե նախկին ոստիկանապետ Վլադիմիր Գասպարյանը նկարահանումների ժամանակ սպառնացել է իրենց, իսկ Գասպարյանի փաստաբան Տիգրան Աթանեսյանն էլ հայտնել էր, թե երեկ ցանկացել են ձերբակալել Վլադիմիր Գասպարյանին:
