06.05.2024 | 23:35
Պարեկները ապրիլի 29-ից մայիսի 6-ը Երևանում հայտնաբերել են 4 123, մարզերում՝ 12 068 խախտում
Բեյրութում պայթյունի հետևանքով առաջացած հրդեհը չի հաջողվում ամբողջությամբ մարել
Քաղաքականություն
05.08.2020 | 11:46
Լիբանանի իշխանությունները ծրագրում են հինգ օրում ավարտին հասցրել օգոստոսի 4-ին մայրաքաղաք Բեյրութում որոտացած հզոր պայթյունի հանգամանքների հետաքննությունը։ Լիբանանյան OTV-ին այս մասին ասել է երկրի Մաքսային ծառայության ղեկավար Բադրի Դահերը։
«Մենք հույս ունենք հինգ օրվա ընթացքում հետաքննության ընթացքում հստակ արդյունք արձանագրել»,- ասել է նա՝ հավելելով, որ համապատասխան հրահանգ են ստացել նախագահ Միշել Աունից և վարչապետ Հասան Դիաբից։
ՏԱՍՍ-ի փոխանցմամբ՝ Լիբանանի քաղաքացիական պաշտպանության ուժերի ծառայողները շարունակում են մարել պայթյունի հետևանքով առաջացած հրդեհը։ Հաղորդվում է, որ հրդեհաշիջման աշխատանքների ժամանակ 10 հրշեջ անհետ կորել է։
Բեյրութի նավահանգստի շրջանում, որտեղ որոտացել է պայթյունը, լիբանանյան բանակի զինծառայողներ են հերթապահում, դեպի նավահանգիստ տանող բոլոր ճանապարհները փակ են։ Միաժամանակ, փրկարարները փլատակների տակ որոնողական աշխատանքներ են իրականացնում։
Վերջին տվյալներով՝ պայթյունի հետևանքով զոհերի թիվը գերազանցել է 100-ը, ավելի քան 4 հազար վիրավոր կա։
