06.04.2026 | 17:45
ՔՊ-ն Կենտրոնական բանկի նախագահի պաշտոնում առաջադրել է Մարտին Գալստյանի թեկնածությունը
ՊՆ խոսնակը հերքել է թուրքական F-16-երի՝ Հայաստանի սահմանին մոտենալու մասին լուրերը
Քաղաքականություն
03.08.2020 | 10:52
Մի շարք լրատվամիջոցներում նախօրեին տեղեկություններ էին հրապարակվել, որ թուրքական F-16 կործանիչները մոտեցել են Հայաստանի սահմանին՝ Երեւանից 56 կիլոմետր հեռավորությամբ:
ՀՀ Պաշտպանության նախարարության խոսնակ Շուշան Ստեփանյանն այսօր սահմանային իրավիճակը ներկայացնելիս անդրադարձել է նաև այս լուրերին՝ հերքելով դրանք։
«Ինչ վերաբերում է օդային իրադրությանը, ապա շրջանառվող տեղեկությունը իրականությանը չի համապատասխանում»,- գրել է ՊՆ խոսնակը։
Ավելի վաղ տեղեկություն էր հրապարակվել, որ թուրքական կողմը վտանգավոր սադրանքի է գնացել՝ Երևանին շատ մոտ F-16 կործանիչներ մոտեցնելով։ Նշվում է, որ առնվազն երկու թուրքական ռազմական օդանավեր ուղղություն են վերցրել դեպի Երևան և հետ են դարձել, երբ մայրաքաղաքից 56 կմ հեռավորությամբ են եղել։
