27.09.2026 | 15:06
Հայազգի տիեզերագնաց Հարություն Կիվիրյանը կուղևորվի Միջազգային տիեզերակայան
Ալիևն ինքն է ասում՝ Արցախը Հայաստան է, եթե ուզում է բանակցել ՀՀ վարչապետի հետ․ Նիկոլ Փաշինյան. ՏԵՍԱՆՅՈՒԹ
Քաղաքականություն
28.07.2020 | 16:20
Հայաստանի և Ադրբեջանի ղեկավարների հանդիպումներն ինքնանպատակ չեն, կարծում եմ՝ նախ պետք է կայունացնել իրավիճակը։ ՌԲԿ-ին տված հարցազրույցում այս մասին ասել է ՀՀ վարչապետ Նիկոլ Փաշինյանը՝ պատասխանելով հարցին՝ արդյո՞ք պատրաստ է հուլիսի 12-ի սահմանային իրադարձություններից հետո հանդիպել Իլհամ Ալիևի հետ։
«Ես միշտ ասել եմ, որ Հայաստանի համար անընդունելի են փորձերը՝ իրեն բանակցային գործընթացում ներքաշել սպառնալիքների ներքո։ Դա անհնար է պատկերացնել։ Ես բազմիցս եմ ասել՝ պետք չէ Հայաստանի հետ խոսել ուժի դիրքերից։ Պատրանք է՝ կարծել, որ կարելի է մեզ հետ խոսել ուժի լեզվով, և այս իրադարձություններն ապացուցեցին դա»,- հավելել է նա։
Ինչ վերաբերում է բանակցային գործընթացին, վարչապետն վերահաստատել է բանակցություններին Ստեփանակերտի մասնակցության մասին հայկական կողմի դիրքորոշումը։ Նիկոլ Փաշինյանի խոսքով՝ Ալիևն ինքն է ասում, որ Արցախը Հայաստան է, եթե ցանկանում է բանակցել Հայաստանի վարչապետի հետ։
«Մենք քննարկում ենք Լեռնային Ղարաբաղի խնդիրը։ Անհնար է Լեռնային Ղարաբաղի խնդիրը լուծել՝ առանց ԼՂ իշխանությունների մասնակցության։ Եթե նախագահ Ալիևը ցանկանում է, որ բանակցությունների սեղանի շուրջ Լեռնային Ղարաբաղը ներկայացնի ՀՀ վարչապետը, ինքն է ասում, որ Լեռնային Ղարաբաղը Հայաստան է։ Որովհետև եթե Լեռնային Ղարաբաղը Հայաստան չէ, ինչո՞ւ պետք է Հայաստանի վարչապետը բանակցային սեղանի շուրջ ներկայացնի ԼՂ-ն»,- ասել է Նիկոլ Փաշինյանը։
Մանրամասները՝ տեսանյութում։
