19.09.2026 | 20:00
«Հայաստան այցս հետաձգվում է ֆիզիկական սպառնալիքի մասին նախազգուշացման պատճառով»․ ռուս ընդդիմադիր գործիչ
ՀԱՊԿ անդամների դիրքորոշումը հավասարակշռված էր․ ՀՀ-ն օգնության համար չի դիմել կառույցին․ Նիկոլ Փաշինյան․ ՏԵՍԱՆՅՈՒԹ
Քաղաքականություն
28.07.2020 | 16:06
Ո՞վ է ասել, որ ՀԱՊԿ անդամ երկրներն աջակցել են Ադրբեջանին, դա ճիշտ տեղեկություն չէ։ ՀԱՊԿ անդամները հավասարակշռված դիրքորոշում ունեին և, ի դեպ, Հայաստանը կառույցին օգնության համար չի դիմել, ինչը շատ կարևոր փաստ է։ Այս մասին ՌԲԿ-ին տված հարցազրույցում ասել է ՀՀ վարչապետ Նիկոլ Փաշինյանը։
«Մենք ՀԱՊԿ անդամակցությունն օգտագործել ենք, որպեսզի կառույցի Մշտական խորհրդին տեղեկացնենք ներկայիս իրավիճակը։ Բայց Հայաստանը չի դիմել օգնության համար։ Եթե դիմեինք, իսկ նրանք նման դիրքորոշում ունենային, դա կքննարկեինք, բայց նրանք այնպիսի հայտարարություններ են արել, որոնք իրավիճակի կայունացմանը կծառայեին»,- ասել է ՀՀ վարչապետը։
Հարցին՝ լայնամասշտաբ կոլֆլիկտի դեպքում արդյո՞ք Հայաստանը պատրաստ է ռուսական բանակին օգնությանը դիմել, Փաշինյանը պատասխանել է․ «Ռուսական բանակը հիմա էլ Հայաստանում է, բայց չի մասնակցում (մարտական գործողություններին – խմբ․): Ոչ ոք հույս էլ չունի, որ ՌԴ-ն կոնֆլիկտի մասնակից կդառնա, քանի որ այն ԵԱԿ Մինսկի խմբի համանախագահ է, ՌԴ-ն միջնորդ է։ Կարծում եմ՝ այստեղ ՌԴ-ն շատ կառուցողական դեր ունի։ Այն պետք է գործի որպես միջնորդ, որպես համանախագահ՝ ԱՄՆ-ի ու Ֆրանսիայի հետ»։
Մանրամասները՝ տեսանյութում։
