18.12.2025 | 14:34
Իմ խնդիրն է՝ հայ ժողովրդին դուրս բերել նահատակացման տրամաբանությունից․ Փաշինյան. ՏԵՍԱՆՅՈՒԹ
Սոցիալական աջակցության ծրագիր՝ սահմանամերձ գյուղերի բնակիչների համար պատգամավորները նոր նախագիծ են ներկայացրել․ ՏԵՍԱՆՅՈՒԹ
Քաղաքականություն
28.07.2020 | 11:22
Սահմանամերձ գյուղերի բնակիչներին տրվող արտոնությունների ժամկետը կերկարաձգվի։ «Իմ քայլը» խմբակցության պատգամավորներ Սիսակ Գաբրիելյանը և Սիփան Փաշինյանը նախագիծ են ներկայացրել, որով այդ արտոնություններին կավելանա սոցիալական աջակցության նոր ծրագիր՝ սահմանամերձ համայնքների բնակիչների համար։ Այս մասին այսօր հրավիրված ասուլիսում ասաց պատգամավոր Սիսակ Գաբրիելյանը։
«Առաջիկա 3 տարում մենք ցանկանում ենք, որպեսզի պետությունը շարունակի փոխհատուցել սպառած էլեկտրաէներգիայի, գազի, ինչպես նաև ոռոգման ջրի գումարը»,- նշեց պատգամավորը։
Առաջարկվել է նաև փոխհատուցել դպրոցական դասագրքերի վճարը՝ ամբողջությամբ կամ 50 տոկոսով։ Նախագծով նախատեսվում է Ադրբեջանի կողմից հրետակոծության հետևանքով վնասված տները, որոնք չեն հանգեցրել օթևանի կորստի, ամբողջությամբ վերականգնել պետության միջոցներով։
Մեկ այլ փոփոխությամբ՝ եթե հակառակորդի կողմից ձեռնարկված գործողությունների հետևանքով սահմանապահ բնակիչներից որևէ մեկը կվիրավորվի և ձեռք կբերի հաշմանդամության կարգ, նրա բուժօգնությունը կլինի ոչ միայն անվճար, այլև նրան կտրվի 1-3 մլն դրամ, իսկ զոհ լինելու դեպքում՝ ընտանիքին կտրամադրվի միանվագ 5 մլն դրամ, ինչպես նաև պետությունը կփոխհատուցի հուղարկավորության հետ կապված ծախսերը։
Մանրամասները՝ տեսանյութում։
