«Արմմոնո» փառատոնը կանցկացվի բացօթյա և կհեռարձակվի առցանց․ այն նվիրվում է Հրանտ Մաթևոսյանի 85-ամյակին

Լուրեր

17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
17.11.2026 | 20:09
Վիրավորանքի համար՝ նվազագույնը 1 մլն, զրպարտության համար՝ 2 մլն դրամ․ ԱՆ-ն առաջարկում է փոխհատուցման նոր շեմեր
17.11.2026 | 20:06
Գերմանիայի ԱԳ նախարարը Բաքվում է․ նրան ընդունել է Ալիևը
17.11.2026 | 19:52
Ազգային հերոսը՝ կոռուպցիայի համար դատապարտված․ ինչու Փիլոյանը չի զրկվել կոչումից. ՏԵՍԱՆՅՈՒԹ
17.11.2026 | 19:40
Կրպակները քանդեցին, բարեկարգումը հետաձգվեց․ Շինարարների փողոցի պատկերը՝ 1 ամիս անց. ՏԵՍԱՆՅՈՒԹ
17.11.2026 | 19:30
Հայաստանի բնակչությունը գերազանցել է 3,1 միլիոնը․ հիմնական աճը՝ Երևանում և հարակից մարզերում
17.11.2026 | 19:16
Փրկարարները մարել են հանդիսությունների սրահում բռնկված հրդեհը
17.11.2026 | 19:01
Որտեղի՞ց էր այն փողը, որը տալիս էր․ Վահագն Ալեքսանյանը՝ Արսեն Գևորգյանի մասին. ՏԵՍԱՆՅՈՒԹ
17.11.2026 | 18:49
Թուրքիայի դատարանն ընդդիմադիր Sözcü TV-ն պետական ​​վերահսկողությանն է փոխանցել․ ոստիկանությունը ձերբակալել է ղեկավարներին
17.11.2026 | 18:28
Թրամփը հայտարարել է, որ Վաշինգտոնի վրա հարձակման դեպքում Իրանը շատ մեծ գին կվճարի
17.11.2026 | 18:22
Եթե ես վաղը բանտում մահանամ, ինձ հետ սենց չվարվեք հանկարծ․ Եղոյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 18:15
Խցանումներից խուսափելու համար քննարկվում են կենտ ու զույգ համարներով երթևեկության սահմանափակումներ և տուգանքների խստացում․ Ավինյան
17.11.2026 | 18:10
Շաքի մտած ադրբեջանցու գործողությունները՝ ըստ մեղադրանքի // Պապիկյանը Բրյուսել է մեկնել․ ԼՈՒՐԵՐ
17.11.2026 | 18:02
Բրազիլիայի հավաքականը խփեց 7 գոլ, Վինիսիուսի հեթ-տրիկը. ՏԵՍԱՆՅՈՒԹ
Բոլորը

Օգոստոսի 1-ից կմեկնարկի «Արմմոնո» միջազգային թատերական փառատոնը, որն այս տարի նվիրված է հայ մեծանուն գրող Հրանտ Մաթևոսյանի 85-ամյակին։ Փառատոնը, կորոնավիրուսի համաճարակով պայմանավորված, կանցկացվի բացօթյա և կհեռարձակվի առցանց։ Այս մասին այսօր հրավիրված ասուլիսի ժամանակ տեղեկացրեց փառատոնի տնօրեն Մարիաննա Մխիթարյանը։

Հանդիսատեսը կկարողանա դիտել 21 ներկայացում, որոնցից 7-ում ներկայացված են հայ հեղինակների ստեղծագործություններ։ Կլինեն նաև մարզային ներկայացումներ՝ Գորիսում, Կապանում, Վանաձորում, Աբովյանում։

Մարիաննա Մխիթարյանի խոսքով՝ բացօթյա ներկայացումը նոր մարտահրավեր է դերասանների համար։

«Դա նոր շերտ, նոր պրոֆեսիոնալիզմ, նոր մտքեր և դերասանական խաղի նոր իրավիճակ կստեղծի բոլոր դերակատարների համար։ Որովհետև խաղալ, երբ չկա այս հինգերորդ պատը, և դու լսում ես՝ ինչպես են ծիտիկները ծլվլում, կողմնակի ձայները, և դու զգում ես այդ ներդաշնակությունը ամբողջ բնության հետ, ավելի ռեալիստական, ավելի ճշմարիտ խաղ է ստացվում։ Բացօթյա ներկայացումներին ներկա կլինի մի քանի հանդիսատես, որպեսզի դերասան-հանդիսատես կապը չտուժի»,- նշեց փառատոնի տնօրենը։

Նրա խոսքով, սակայն, առցանց ներկայացումը չի կարող փոխարինել թատրոնում հանդիսատեսի առաջ բեմադրվող ներկայացումներին․ «Առցանց ներկայացումը ոչ թե ներկայացում է, այլ պատկերացում՝ ներկայացման մասին»։

«Արմմոնո» փառատոնն այս տարի կբացվի Հրանտ Մաթևոսյանի «Գոմեշ» ներկայացումով, որը բեմադրել է և կներկայացնի ՀՀ վաստակավոր արտիստ Նարինե Գրիգորյանը։

«Հրանտ Մաթևոսյան» հիմնադրամի տնօրեն Դավիթ Մաթևոսյանն այս ներկայացման հետ կապված մեծ հեռանկար է տեսնում։

«Համոզված եմ՝ հաջող բեմադրություն է լինելու, հաջող խաղ է լինելու։ Որքան էլ իր գերպատասխանատու վերաբերմունքով Նարինե Գրիգորյանն անձամբ որոշակի կասկածներ ունենա, ինչը բնական է, հենց այդ պատճառով ես վստահ եմ, որ իր պատասխանատվությունը ճշգրտորեն ամեն ինչ իր տեղն է դնելու»,- նշեց հիմնադրամի տնօրենը։

Անդրադառնալով հարցին, թե ինչու է ընտրվել Մաթևոսյանի հենց այս ստեղծագործությունը, Դավիթ Մաթևոսյանը նշեց․ ««Գոմեշը» ներկայացում դառնալու համար հրաշալի նյութ է, քանի որ Մաթևոսյանի նյութը թե՛ խորն է, թե՛ պատկերավոր։ Երբ դու կարդում ես, տեսնում ես, և մանավանդ, որ բեմից ճիշտ շեշտադրումներով է ընթերցված, առավել պատկերավոր ես տեսնում»։