Քաղաքականություն
27.07.2020 | 13:25ԱԺ «Իմ քայլը» խմբակցության ղեկավար Լիլիթ Մակունցն այսօր հրավիրված ասուլիսում մեկնաբանեց խմբակցության պատգամավոր Հայկ Սարգսյանի շուրջ բարձրացված աղմուկին և տեղեկություններին, թե նա Սևանա լճի ափին բազմամարդ երեկույթ է կազմակերպել։
«Քիչ առաջ հեռախոսազրույց եմ ունեցել Հայկ Սարգսյանի հետ, և նա ինձ տեղեկացրել է, որ որևէ միջոցառում չի կազմակերպել, մի քանի օրով գտնվում է հանգստյան գոտում, որտեղ նաև այլ քաղաքացիներ իրենց հանգիստն են կազմակերպում։ Անզգուշություն է թույլ տվել՝ մի պահ գտնվելով այն վայրում, որը մարդաշատ է, և եղել է առանց դիմակի։ Հայկ Սարգսյանը հայցում էր «Իմ քայլը» խմբակցության ներողամտությունը, որ անզգուշություն է թույլ տվել։ Իմ տեղեկություններով՝ պետք է որ արդեն Հայկ Սարգսյանն իր գործողությունների համար տուգանված լինի»,- նշեց Մակունցը։
Մանրամասները՝ տեսանյութում։
