01.04.2026 | 22:09
Երևանի և 3 մարզի մի շարք հասցեներում էլեկտրաէներգիայի անջատումներ կլինեն
Պոմպեոյին ԱՄՆ պատմության վատագույն պետքարտուղարն են կոչել
Քաղաքականություն
26.07.2020 | 13:29
Միջազգային հարաբերությունների հարցերով փորձագետներ Աարոն Դևիդ Միլլերն ու Ռիչարդ Սոկոլսկին Մայք Պոմպեոյին ԱՄՆ պատմության վատագույն պետքարտուղարն են կոչել։ Այս մասին գրում է «Իզվեստիա»-ն՝ վկայակոչելով CNN-ը։
«Ընդամենը երկու կարճ տարիների ընթացքում Մայք Պոմպեոն դարձել է ոչ միայն ԱՄՆ պատմության վատագույն, այլև քաղաքականապետ կանխակալ պետքարտուղարը»,- նշել են նրանք։
Մասնագետները Պոմպեոյին մեղադրել են նրանում, որ նա «քաղաքականացրել է պետքարտուղարի պաշտոնն ու պղծել իր ղեկավարած հաստատությունը»՝ հանուն իր անձնական քաղաքական ծրագրի առաջխաղացման և Թրամփին «պատասխանատվությունից և օրենքի գերակայությունից» պաշտպանելու։
Պոմպեոյին հիշեցրել են նաև, որ ավելորդ բարեհամբույր է եղել Սաուդյան Արաբիայի թագաժառանգ արքայազն Մուհամմեդ բեն Սալմանի հետ, որը մասամբ պատասխանատվություն է ստանձնել The Washington Post-ի վերլուծաբան Ջամալ Հաշոգջիի սպանության համար։
Հավելենք, որ Դոնալդ Թրամփը Մայք Պոմպեոյին պետքարտուղարի պաշտոնում նշանակել է 2018 թվականի մարտի 13-ին՝ Ռեքս Թիլերսոնին այդ պաշտոնից ազատելուց հետո։ Մինչ այդ Պոմպեոն ղեկավարել է Կենտրոնական հետախուզական վարչությունը։
