16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Բեռլինում ավտոմեքենան մարդկանց խմբի մեջ է մխրճվել
Քաղաքականություն
26.07.2020 | 12:39
Բեռլինում ավտոմեքենան մարդկանց խմբի մեջ է մխրճվել, ինչի հետևանքով առնվազն 7 տուժած կա։ Այս մասին գրում է «Իզվեստիա»-ն՝ վկայակոչելով քաղաքի հրշեջ ծառայության հաղորդագրությունը։
«Շարլոտենբուրգ շրջանում մեքենան դուրս է եկել ճանապարհից։ Արդյունքում 7 մարդ է տուժել նրանցից 3-ի վիճակը ծանր է»,- ասվում է հաղորդագրությունում։
Դեպքի վայր հրշեջ ծառայության 60 աշխատակից, ինչպես նաև փրկարարական ուղղաթիռներ են ժամանել։
Բեռլինի ոստիկանությունն իր հերթին Twitter-ի միկրոբլոգում հաղորդագրությամբ տեղեկացրել է, որ թեթև մարդատար մեքենայի վարորդը ձերբակալված է։
Հետաքննություն է ընթանում՝ դեպքի հանգամանքները պարզելու համար։ Ոստիկանությունն առայժմ վարորդի գործողությունների շարժառիթների մասին ոչինչ չի հայտնել։
