08.07.2026 | 11:42
Մակրոնը ՆԱՏՕ-ի գագաթնաժողովից առաջ առավոտյան վազքի է դուրս եկել Անկարայում․ ՏԵՍԱՆՅՈՒԹ
Նիկոլ Փաշինյանը Ուզբեկստանի նախագահին շնորհավորել է ծննդյան օրվա առթիվ
Քաղաքականություն
24.07.2020 | 14:05
Վարչապետ Նիկոլ Փաշինյանը շնորհավորական ուղերձ է հղել Ուզբեկստանի Հանրապետության նախագահ Շավքաթ Միրզիյոևին՝ ծննդյան օրվա առթիվ, հաղորդում է վարչապետի աշխատակազմի մամուլի ծառայությունը։
«Հարգելի Շավքաթ Միրոմոնի,
Ընդունեք անկեղծ շնորհավորանքներս Ձեր ծննդյան օրվա կապակցությամբ:
Ցանկանում եմ մաղթել Ձեզ անսպառ եռանդ, մեծ հաջողություններ և նոր ձեռքբերումներ Ձեր պատասխանատու պետական գործունեության մեջ, ինչպես նաև նպատակների իրականացում` ի շահ Ուզբեկստանի ժողովրդի:
Համոզված եմ, որ համատեղ ջանքերի շնորհիվ մեր պետությունների միջև ավանդաբար բարեկամական հարաբերությունները հետևողականորեն կզարգանան բոլոր ոլորտներում, ինչն ամբողջովին բխում է մեր ժողովուրդների շահերից:
Անկեղծորեն մաղթում եմ Ձեզ, հարգելի Շավքաթ Միրոմոնի, ինչպես նաև Ձեր ընտանիքի անդամներին և մերձավորներին քաջառողջություն, երջանկություն և ամենայն բարիք, իսկ Ուզբեկստանի բարեկամ ժողովրդին` խաղաղություն, բարօրություն և բարեկեցություն»,- ասվում է շնորհավորական ուղերձում:
