18.11.2024 | 14:28
Երևանի ակումբներում մի շարք խախտումներ են արձանագրվել
150 միլիոն դրամի վնաս է հասցվել Տավուշի սահմանամերձ գյուղերին. Սուրեն Պապիկյան․ ՏԵՍԱՆՅՈՒԹ
Քաղաքականություն
23.07.2020 | 11:43
Կառավարության այսօրվա նիստում Տավուշի մարզի սահմանամերձ համայնքներում հրետակոծությունից տուժած բնակիչներին կրած վնասների համար փոխհատուցում տալու նպատակով Տավուշի մարզպետարանին 25 մլն դրամ հատկացվեց։
Տարածքային կառավարման և ենթակառուցվածքների նախարար Սուրեն Պապիկյանն ասաց՝ հուլիսի 12-ից սկսված հրետակոծությունների հետևանքով տուժած ՀՀ Տավուշի մարզի սահմանամերձ համայնքների բնակիչներին վնասված անշարժ գույքի փոխհատուցման համար, նախնական գնահատականով, անհրաժեշտ կլինի առնվազն 150 մլն դրամ, որից 25 մլն դրամն առաջարկվում է հատկացնել հրատապության կարգով:
«Ստեղծվել է գույքագրման և գնահատման աշխատանքային խումբ, որն աշխատում է բնակավայրերում՝ աշխատանքներին ներգրավելով տեղի շինարարական հնարավորությունները, ներառյալ արտագնա աշխատանքի չմեկնած քաղաքացիներին։ Առաջարկվում է գումարի մի մասը կանխավճարով հատկացնել՝ աշխատանքները շուտափույթ սկսելու համար, որը նաև բարոյական կարևոր դեր կունենա, մինչև ամբողջական գնահատում կկատարվի։ Իրական ծավալները շատ ավելի մեծ են»,- ասաց նա:
Մանրամասները՝ տեսանյութում:
