08.07.2026 | 10:39
ԱՄՆ-ը հարվածել է Իրանին․ Թեհրանը պատասխանել է Բահրեյնում և Քուվեյթում ամերիկյան օբյեկտներին հարվածներով
Կոնգրեսի ադրբեջանական հանձնախմբի՝ ԼՂ-ում ականազերծման նախաձեռնություններն արգելափակող նախագիծը չի ընդգրկվել օրակարգում
Քաղաքականություն
23.07.2020 | 10:33
ԱՄՆ Կոնգրեսի ընթացակարգային հանձնաժողովը չի ընդգրկել Կոնգրեսի ադրբեջանական հանձնախմբի համանախագահ, կոնգրեսական Սթիվ Քոհենի հատկացումների օրենքում փոփոխություն մտցնելու նախագիծը, որը փորձում էր արգելափակել Լեռնային Ղարաբաղում ականազերծում իրականացնելու նախաձեռնությունները: Այն չի դիտարկվի Հատկացումների մասին օրենքի քննարկման կամ քվեարկության ընթացքում: Այս մասին հայտնում է «Ամերիկայի ձայնը»։
Միաժամանակ, հայտնի դարձավ, որ ԱՄՆ Կոնգրեսի ադրբեջանական հանձնախմբի մեկ այլ կոնգրեսական Հենրի Քուելարսը, ով ևս ներկայացրել էր Հատկացումների մասին օրենքում փոփոխություններ իրականացնելու նախագիծ, հետ է կանչել իր նախագիծը օրակարգից:
Քուելարսի փոփոխությունը փորձում էր արգելափակել ֆինանսական օգնությունն ավտոնոմ միավորներին որոշակի չափանիշների հիման վրա:
Հիշեցնենք նաև, որ հուլիսի 22-ին նախատեսված է ԱՄՆ Կոնգրեսի հայկական հանձնախմբի համանախագահ Ջեքի Սփիըրի փոփոխության նախագծի շուրջ քննարկումն ու քվեարկությունը Ներկայացուցիչների պալատի ընթացակարգային հանձնաժողովում: Սփիըրի փոփոխության նախագիծն առաջարկում է 1,5 միլիոն դոլար հատկացնել՝ Լեռնային Ղարաբաղում ականազերծում իրականացնելու համար:
