10.02.2026 | 23:52
Հայաստանի մի շարք հասցեներում էլեկտրաէներգիայի անջատումներ կլինեն
Բուլղարիայի մայրաքաղաքում զանգվածային ցույցերը վերսկսվել են
Քաղաքականություն
22.07.2020 | 17:35
Զանգվածային բողոքի ցույցերը Բուլղարիայի մայրաքաղաք Սոֆիայում վերսկսվել են այն բանից հետո, երբ խորհրդարանը մերժել է անվստահություն հայտնել երկրի վարչապետ Բոյկո Բորիսովի կառավարությանը: Այս մասին տեղեկացնում է DW-ի ռուսական ծառայությունը։
Ցուցարարները սկսել են հավաքվել Բուլղարիայի նախագահ Ռումեն Ռադևի վարչակազմի շենքի դիմաց՝ «Մենք անվստահության իրական քվե ենք» կարգախոսով:
Ակցիային մասնակցել է մի քանի հարյուր մարդ: Նրանք երթ են կազմակերպել՝ պահանջելով կառավարության և երկրի գլխավոր դատախազի հրաժարականը, ինչպես նաև նոր ընտրությունների անցկացում: Ցուցարարները մայրաքաղաքի կենտրոնում ժամանակավորապես արգելափակել են երթևեկությունը։
Այսօր առավոտյան Բուլղարիայի Ազգային ժողովի 240 անդամներից 124-ը դեմ են արտահայտվել Բորիսովի կառավարության հրաժարականին: Սա Բուլղարիայի ներկայիս կառավարությանն անվստահություն հայտնելու հինգերորդ փորձն է: Ինքը՝ վարչապետ Բոյկո Բորիսովը, հուլիսի 21-ին Բրյուսելում մասնակցում էր ԵՄ գագաթնաժողովին:
Աշխատանքի և սոցիալական քաղաքականության նախարար Դենիցա Սաչևայի խոսքով՝ կառավարությունը պետք է մնա, կատարի իր պարտականությունները և պատրաստվի հերթական խորհրդարանական ընտրություններին:
«Երբ ինքնաթիռում խառնաշփոթ է սկսվում, անձնակազմը չպետք է փոխվի», – ասել է նա։
