17.09.2026 | 21:00
2,6 մլն՝ Փաշինյանին, 2,1 մլն՝ նախարարներին․ զգալի կբարձրանա պաշտոնայների աշխատավարձը. ՏԵՍԱՆՅՈՒԹ
ԵՏՄ երկրները կվերացնեն սննդի արտահանման սահմանափակումները․ Միշուստին
Քաղաքականություն
22.07.2020 | 15:54
Եվրասիական տնտեսական միության երկրներն աստիճանաբար կվերացնեն գյուղմթերքի արտահանման սահմանափակումները: Այս մասին հայտարարել է ՌԴ վարչապետ Միխայիլ Միշուստինը՝ Պետդումայում ելույթ ունենալով կառավարության գործունեության վերաբերյալ զեկույցով, գրում է ՏԱՍՍ-ը:
«Եվրասիական տնտեսական միությունը որոշում է կայացրել մի շարք ապրանքների արտահանման սահմանափակումների վերաբերյալ: Այժմ մենք աստիճանաբար կվերացնենք դրանք»,- ասել է նա:
ՌԴ վարչապետի խոսքով՝ արտահանումը սահմանափակելու մասին որոշումներ են կայացվել՝ համաճարակի ժամանակ շուկաները պաշտպանելու համար:
Հիշեցնենք, որ ԵՏՄ երկրները հունիսի 30-ից վերացրել էին սննդամթերքի որոշ տեսակների արտահանման ժամանակավոր արգելքը: Մասնավորապես, վերացվել էր սոխի, սխտորի, շաղգամի, տարեկանի, բրնձի, հնդկացորենի, կորեկի, հացահատիկի և հացահատիկի ալյուրի արտահանման արգելքը:
