21.05.2026 | 22:00
Անդրանիկ Թևանյանին վերագրվող մեղադրանքը, ենթադրաբար, առնչվում է Արարատ Միրզոյանի մասնակցությամբ ԱԺ փակ նիստին
Երևանում թափառող շները հարձակվել են մեքենայի վրա ու վնասել այն․ ՏԵՍԱՆՅՈՒԹ
Հասարակություն
22.07.2020 | 15:33
Համացանցում տեսանյութ է տարածվել, որտեղ երևում է՝ ինչպես են շները հարձակվում մեքենայի վրա ու ջարդուխուրդ անում այն։
«Էսօր առավոտվա ժամը 6-ի կողմերը գազազած շների ոհմակը հարձակվել է մեքենայի վրա ու ջարդուխուրդ արել, ուղիղ իմաստով կերել են։ Հիմա խնդրում եմ ինձ ասեք, հարգելի՛ Երևանի քաղաքապետարան, ո՞վ ա էս ամեն ինչի համար պատասխանատվություն կրում։ Ես, որպես ՀՀ քաղաքացի, ինչի՞ պետք ա ձեր կամ ձեր ՀՈԱԿ-ի անգործության պատճառով նյութական վնասներ կրեմ: Ու մի պահ պատկերացնենք մարդու առկայությունը էդ իրավիճակում»,- գրել է ֆեյսբուքյան օգտատերերից Գոհար Աղաջանյանը։
Երևանի քաղաքապետարանի «Թափառող կենդանիների վնասազերծման կենտրոն» ՀՈԱԿ-ի մամուլի խոսնակ Լաուրա Հակոբյանը Factor.am-ի հետ զրույցում նշեց, որ դեպքի վերաբերյալ ահազանգ ստացել են։
«Այս պահին ուսումնասիրվում է, այլ մանրամասներ առայժմ հայտնի չեն»,- նշեց նա։
