18.12.2025 | 12:34
Վրաստանն արգելել է իր քաղաքացիներին քվեարկել արտասահմանում գտնվելու ընթացքում
Խոշոր հարկատուների հարկերը 3.5%-ով նվազել են՝ նախորդ տարվա նույն ժամանակահատվածի համեմատ․ վերլուծություն
Տնտեսություն
22.07.2020 | 13:50
1000 խոշոր հարկատուների կողմից 2020թ. առաջին կիսամյակում ՀՀ պետական բյուջե վճարված հարկերի վերաբերյալ ՀՔՀԱԿ հասարակական կազմակերպությունը վերլուծություն է իրականացրել։
Դրանում ներկայացվում է, որ 2020 թվականի առաջին 6 ամիսներին 1000 խոշորագույն հարկատուների կողմից պետական բյուջե վճարված հարկերի ընդհանուր մեծությունը կազմել է 492.7 մլրդ դրամ, ինչը 3.5%-ով պակաս է նախորդ տարվա համապատասխան ցուցանիշից, սակայն շուրջ 46 մլրդ դրամով գերազանցում է 2018թ. Մակարդակը:
Առաջին կիսամյակում, նախորդ երկու տարիների նույն ժամանակահատվածի համեմատությամբ, փոքր-ինչ նվազել է 50 և 100 խոշորագույն հարկատուների կողմից պետական բյուջե վճարված հարկերի ընդհանուր մեծությունը, մյուս կողմից` 10 խոշորագույնների պարագայում թույլ աճ է գրանցվել:
Այսպես, 2020-ի առաջին 6 ամիսներին 10 խոշորագույն հարկատուները պետական բյուջե են վճարել 135 մլրդ դրամ հարկ, 2019-ին` 131 մլրդ դրամ, 2018-ին` 114 մլրդ դրամ: Խոշորագույն 100-յակը վճարել է 302 մլրդ դրամի հարկ, որը նախորդ տարվա համեմատությամբ պակաս է 12 մլրդ դրամով, սակայն գերազանցում է 2018-ի ցուցանիշը:
Այսպիսով՝ խոշոր հարկատուների առաջին տասնյակում են գտվում «Գրանդ Տոբակո» ընկերությունը՝ 26,3 մլրդ, «Գազպրոմ Արմենիա»-ն՝ 26 մլրդ, «Զանգեզուրի պղնձամոլիբդենային գործարան»-ը՝ 21․7 մլրդ, «Գեոպրոմայնինգ գոլդ»-ը՝ 12,8 մլրդ, «Սիփիէս օիլ»-ը՝ 9,7 մլրդ, «Ինտերնեյշնլ Մասիս տաբակ»-ը՝ 9,57 մլրդ, «Ֆլեշ»-ը՝ 8 մլրդ, « Ֆիլիպ Մորրիս Արմենիա»-ն՝ 6,9 մլրդ, «Հայաստանի էլեկտրական ցանցեր»,-ը ՝ 6,9 մլրդ, «ՄՏՍ Հայաստան»-ը՝ 6,9 մլրդ։
100 խոշորագույն հարկատուների կողմից վճարվել է 302 մլրդ դրամի հարկ, որըü 12 մլրդ դրամով պակաս է նախորդ տարվա համապատասխան ցուցանիշից, սակայն 20 մլրդ դրամով գերազանցում է 2018թ. մակարդակը։
Վերլուծությանն ամբողջությամբ կարող եք ծանոթանալ այստեղ։
