18.11.2024 | 11:49
Սոբյանինը հայտնել է Մոսկվայի մարզում երկու անօդաչու թռչող սարքի խոցման մասին
ԱՄՆ քաղաքացիները ստորագրահավաք են սկսել՝ Ադրբեջանին ռազմական օգնությունը դադարեցնելու պահանջով
Քաղաքականություն
22.07.2020 | 12:52
ԱՄՆ քաղաքացիները Սպիտակ տան պաշտոնական կայքում ստորագրահավաք են նախաձեռնել, որով պահանջում են դադարեցնել Ադրբեջանին տրվող ամերիկյան ռազմական օգնությունն ու USAID-ի կողմից հատկացվող ֆինանսավորումը։
Ստորագրահավաքին կցված հայտարարության մեջ նշված է․ «Ամերիկացի հարկատուներից ստացվող ավելի քան 1․5 միլիարդ դոլար վատնվում է ավտորիտար կառավարության ֆինանսավորման համար, որը ղեկավարվում է նավթով հարուստ օլիգարխ Իլհամ Ալիևի և նրա կնոջ կողմից: Այդ գումարները յուրացվել և օգտագործվել են տարածաշրջանային պատերազմներ հրահրելու համար։
Ադրբեջանական արժեքները չեն համընկնում Միացյալ Նահանգների ժողովրդավարական արժեքների հետ և ոչ մի օգուտ չեն բերում ժողովրդին։
Մենք ՝ ամերիկացի ժողովուրդը, ցանկանում ենք դադարեցնել Ադրբեջանի ամբողջական ֆինանսավորումն ու օգնությունը և այդ գումարներն ուղղել այլ վայրեր, ինչպիսիք են փոքրամասնությունների հնարավորություններն ու բարգավաճումը, կրթությունն ու պետական այլ ծրագրեր։ Դադարեցրեք ԱՄՆ-ի ռազմական օգնությունն ու USAID-ի ֆինանսավորումն Ադրբեջանին»։
Հուլիսի 20-ին մեկնարկած ստորագրահավաքին 2․000-ից ավելի քաղաքացի է միացել։ Մինչ օգոստոսի 19-ը ևս 97․971 ստորագրություն է անհրաժեշտ, որպեսզի Սպիտակ տունն արձագանքի։
Հիշեցնենք՝ հուլիսի 20-ին ԱՄՆ Ներկայացուցիչների պալատը հաստատեց պաշտպանական հատկացումների օրինագծում փոփոխությունների մասին փաթեթը, որով Ադրբեջանին ԱՄՆ-ի ռազմական օգնության նկատմամբ վերահսկողությունը կխստացվի:
Նելլի Մելքոնյան
