08.07.2026 | 12:46
Ալի Խամենիի մարմինն Իրաքում է․ հազարավոր մարդիկ են մասնակցել հուղարկավորության երթին
Աշխարհում COVID-19-ի դեպքերը գերազանցել են 15 միլիոնը, մահացել է 619 հազարից ավելի մարդ․ Worldometers
Քաղաքականություն
22.07.2020 | 12:11
Նոր տեսակի կորոնավիրուսի (COVID-19) հաստատված դեպքերն աշխարհում հատել են 15 միլիոնի շեմը։ Դրանց թվում վարակման ակտիվ դեպքերը 5․3 միլիոնից ավելի են։ 63․634 հազար մարդ ծանր կամ ծայրահեղ ծանր վիճակում է։ Հիվանդությունից մինչ օրս 619․647 քաղաքացի է մահացել։ Այս մասին տեղեկանում ենք COVID-19-ի համաշխարհային վիճակագրությունը ներկայացնող worldometers.info կայքից։
Հաստաստված դեպքերի թվով առաջատարն ԱՄՆ-ն է։ Այստեղ մինչ օրս 4 միլիոնից ավելի մարդ է վարակվել։
2-րդ տեղում Բրազիլիան է՝ վարակման 2․1 միլիոն հաստատված դեպքով, իսկ 3-րդ տեղում՝ Հնդկաստանը՝ 1․1 միլիոն դեպքով։ 4-րդ տեղում Ռուսաստանն է՝ 783 հազարից ավելի հաստատված դեպքով, իսկ 5-րդ հորիզոնականում՝ Հարավային Աֆրիկան, որտեղ վարակման դեպքերը 381 հազարից ավելի են։
Աշխարհում COVID-19-ից ամենամեծաթիվ մահերը գրանցվել են ԱՄՆ-ում՝ գրեթե 145 հազար։ Եվրոպայում վարակից մահացության ամենաբարձր ցուցանիշը Մեծ Բրիտանիայում է․ այստեղ մինչ օրս 45․422 մարդ է մահացել։
Նելլի Մելքոնյան
