17.09.2026 | 20:33
Ալիևը հայտարարել է՝ «եթե ՄԱԿ-ը նորմալ գործեր, ստիպված չէինք լինի ուժով նվաճել մեր տարածքները»
ԵՄ-ն հաստատել է իր պատմության խոշորագույն բյուջետային և ֆինանսական փաթեթը
Քաղաքականություն
21.07.2020 | 11:30
ԵՄ անդամ երկրների ղեկավարները 4 օր տևած գագաթաժողովից հետո հաստատել են պատմության մեջ խոշորագույն բյուջետային և ֆինանսական փաթեթը: Այս մասին հուլիսի 21-ին հայտարարել է Եվրախորհրդի նախագահ Շառլ Միշելը Բրյուսելում անցկացված քառօրյա գագաթաժողովից հետո, տեղեկացնում է DW-ի ռուսական ծառայությունը։
«Մենք արեցինք դա»,- Twitter-ում գրել է նա:
ԵՄ անդամ 27 երկրների ղեկավարները ստեղծել են պետությունների տնտեսությունների վերականգնման հիմնադրամ, որը կոչվում է «Նոր սերնդի ԵՄ»:
ԵՄ բյուջեի փաթեթում ներառված է 1․8 տրիլիոն եվրո, որից 1.074 միլիարդը կհատկացվի որպես հաջորդ 7 տարիների համար բյուջեի ծախս, ևս 750 միլիարդ եվրո էլ նախատեսված է համաճարակի հետևանքների վերացմանն ուղղված ներդրումային աջակցության և տնտեսական վերականգնման ծրագիրը լրացնելու համար: Այս փաթեթը ԵՄ-ում ֆինանսական մեծ անկման դեմ պայքարելու և ԵՄ ներքին շուկային աջակցելու համար է:
Բացի այդ՝ միջոցներ կուղղվեն թվային տնտեսությանն աջակցելությանն ու առավել նպաստավոր կլիմայի պաշտպանությանը: Այս նպատակների համար պատմության մեջ առաջին անգամ նախատեսվում է ամբողջ Եվրամիության անունից ֆինանսական շուկաներում լուրջ փոխառություններ կատարել, որոնք առաջիկա տարիներին հարկ կլինի մարել ԵՄ բոլոր երկրների համատեղ ջանքերով:
