Մարգարիտա Սիմոնյանը պետք է շնորհակալ լինի իր արմատներին և չխառնվի Հայաստանի գործերին. Սուրեն Շահվերդյան․ ՏԵՍԱՆՅՈՒԹ

Լուրեր

17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
17.11.2026 | 20:09
Վիրավորանքի համար՝ նվազագույնը 1 մլն, զրպարտության համար՝ 2 մլն դրամ․ ԱՆ-ն առաջարկում է փոխհատուցման նոր շեմեր
17.11.2026 | 20:06
Գերմանիայի ԱԳ նախարարը Բաքվում է․ նրան ընդունել է Ալիևը
17.11.2026 | 19:52
Ազգային հերոսը՝ կոռուպցիայի համար դատապարտված․ ինչու Փիլոյանը չի զրկվել կոչումից. ՏԵՍԱՆՅՈՒԹ
17.11.2026 | 19:40
Կրպակները քանդեցին, բարեկարգումը հետաձգվեց․ Շինարարների փողոցի պատկերը՝ 1 ամիս անց. ՏԵՍԱՆՅՈՒԹ
17.11.2026 | 19:30
Հայաստանի բնակչությունը գերազանցել է 3,1 միլիոնը․ հիմնական աճը՝ Երևանում և հարակից մարզերում
17.11.2026 | 19:16
Փրկարարները մարել են հանդիսությունների սրահում բռնկված հրդեհը
17.11.2026 | 19:01
Որտեղի՞ց էր այն փողը, որը տալիս էր․ Վահագն Ալեքսանյանը՝ Արսեն Գևորգյանի մասին. ՏԵՍԱՆՅՈՒԹ
17.11.2026 | 18:49
Թուրքիայի դատարանն ընդդիմադիր Sözcü TV-ն պետական ​​վերահսկողությանն է փոխանցել․ ոստիկանությունը ձերբակալել է ղեկավարներին
17.11.2026 | 18:28
Թրամփը հայտարարել է, որ Վաշինգտոնի վրա հարձակման դեպքում Իրանը շատ մեծ գին կվճարի
17.11.2026 | 18:22
Եթե ես վաղը բանտում մահանամ, ինձ հետ սենց չվարվեք հանկարծ․ Եղոյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 18:15
Խցանումներից խուսափելու համար քննարկվում են կենտ ու զույգ համարներով երթևեկության սահմանափակումներ և տուգանքների խստացում․ Ավինյան
17.11.2026 | 18:10
Շաքի մտած ադրբեջանցու գործողությունները՝ ըստ մեղադրանքի // Պապիկյանը Բրյուսել է մեկնել․ ԼՈՒՐԵՐ
17.11.2026 | 18:02
Բրազիլիայի հավաքականը խփեց 7 գոլ, Վինիսիուսի հեթ-տրիկը. ՏԵՍԱՆՅՈՒԹ
Բոլորը

«Ոմանք փորձում են սեպ խրել մեր և Ռուսաստանի հարաբերությունների միջև. Մարգարիտա Սիմոնյանը դա անում է գիտակցաբար: Ցավալի է: Հուսանք՝ մեր ղեկավարությունը միջոցներ կձեռնարկի և համարժեք պատասխան կտա, շատ բաներ կբացահայտի: Ինձ համար անընդունելի է, որ այս ամենը տեղի է ունենում, երբ Հայաստանի վիճակը խառն է: Հայաստանը հիմա հզոր հայերի կարիք ունի: Հուսանք՝ Կրեմլն էլ կմեկնաբանի տեղի ունեցածը»,- Factor TV-ի «Երևանի ժամանակով» զրուցաշարի շրջանակում նման տեսակետ է հայտնում ռեժիսոր Սուրեն Շահվերդյանը՝ անդրադառնալով ռուսաստաբնակ հայազգի լրագրող, «Russia Today»-ի ղեկավար Մարգարիտա Սիմոնյանի՝ վերջերս արած հայտարարությանը:

Սիմոնյանը, հիշեցնենք, Հայաստանի ներկայիս իշխանությանը մեղադրել էր Ղրիմը Ռուսաստանի մաս «չճանաչելու», Ռուսաստանի ​​դաշնակից Ռոբերտ Քոչարյանին բացառապես քաղաքական վրեժխնդրությունից ելնելով քրեական հետապնդման ենթարկելու, երկիրը հակառուսական հասարակական կազմակերպություններով ողողելու, Ռուսաստանի հայ գործարարներին վտարելու և մի շարք այլ բաների համար:

«Մարգարիտա Սիմոնյանն իր տեքստում անդրադառնում է Ռոբերտ Քոչարյանին և պաշտպանում։ Դա ցավալի է, այդտեղ մենք խնդիր ունենք: Այս ելույթի, հաղորդագրության հետևում, կարծում եմ, կանգնած է այլ ուժ: Այս հարցում էլ Մարգարիտա Սիմոնյանը սխալվում է. Քոչարյանի գործը դեռ պրոցեսի մեջ է, և նա կարող է գնահատական տալ, երբ այդ պրոցեսն ավարտվի»,- շեշտում է ռեժիսորը:

Նրա համոզմամբ՝ Մարգարիտա Սիմոնյանը պետք է շնորհակալ լինի իր արմատներին և չխառնվի Հայաստանի ներքին գործերին: Ինչ վերաբերում է Ղրիմի հարցին, ռեժիսորը նկատում է՝ իսկ ինչու՞ ՌԴ-ն չի ճանաչել Լեռնային Ղարաբաղի անկախությունը:

Սուրեն Շահվերդյանն անդրադառնում է նաև հայ-ադրբեջանական սահմանին տիրող լարվածությանը։

«Ես միշտ խաղաղության կողմնակից եմ եղել: Չեմ ընդունում ատելությամբ լի կոչերը, որովհետև դրա համար պատասխան են տալիս սահմանին կանգնած երիտասարդ տղաները, իսկ մարդն ինձ համար բարձրագույն արժեք է: Ոչ մի պատերազմ լավ բանի չի բերել: Իհարկե, մենք պետք է թիկունքում ուժեղ լինենք և ատամ ցույց տանք, սակայն իմ կարծիքն այն է, որ խնդիրը պետք է լուծվի դիվանագիտական հարթակում»,- եզրափակում է նա:

Մանրամասները՝ տեսանյութում:

Աննա Բաբաջանյան