29.04.2026 | 19:27
Կհայտարարվի «Մշակութային վերջին զանգ» մրցույթը, կխստացվի դրամահավաքների արգելքը. ԿԳՄՍՆ
Արդար ընտրություններում արժանապատվորեն կհաղթենք. Գիորգի Գախարիա
Քաղաքականություն
20.07.2020 | 16:48
Վրաստանի իշխող «Վրացական երազանք» կուսակցությունը հուլիսի 20-ին մեկնարկեց նախընտրական քարոզարշավը: Արտակարգ հանրահավաքի ընթացքում կուսակցության առաջատար դեմքերը ներկայացրին նախօրեին հաստատած ընտրական ցուցակը, գրում է aliq.ge-ն։
Վրաստանի վարչապետ Գիորգի Գախարիան, խոսելով գալիք ընտրությունների մասին, նշեց, որ վստահ է` «Վրացական երազանքն» արժանապատվորեն կհաղթի արդար պայքարում:
«Մեր հաղթանակը կլինի նաև երկրի հաղթանակը, քանի որ մենք հստակ գիտենք, թե ինչ կարիքներ ունի Վրաստանը, հստակ գիտենք, թե որ մարտահրավերներին պետք է պատասխանենք արագորեն, մենք կոնկրետ ծրագիր ունենք: 2020 թվականի ընտրություններին ընդառաջ գնում ենք ավելի պրոգրեսիվ ընտրական համակարգով: Պետք է հիշենք, որ համամասնական ընտրական համակարգն անհնարին կլիներ, եթե չլիներ 2012 թվականը, որից հետո կառուցվում է ժողովրդավարական, եվոպական և արդար հիմքեր ունեցող պետություն»,- հայտարարել է Գիորգի Գախարիան:
Հիշեցնենք՝ 2020 թվականի խորհրդարանական ընտրությունները տեղի կունենան հոկտեմբերի 31-ին: Վերջերս ընդունված սահմանադրական փոփոխությունների արդյունքում Վրաստանի նոր խորհրդարանը կձևավորվի 120 համամասնական, 30 մեծամասնական կարգով ընտրված պատգամավորներից:
