07.07.2026 | 13:18
Կիևի մոտ հայտնաբերել են կնոջ մարմին, որին կասկածում էին Մոնակոյում միլիարդատեր Երմոլաևի դեմ մահափորձի մեջ
ՌԴ-ն հայ-ադրբեջանական սահմանին իրադրության շուտափույթ կարգավորման հույս ունի․ Պեսկով
Քաղաքականություն
20.07.2020 | 14:49
Ռուսաստանը հույս ունի, որ Հայաստանի և Ադրբեջանի սահմանին տիրող իրադրությունը հնարավորինս արագ կկարգավորվի, եւ այս հակամարտության շուրջ զգայական ֆոնը կվերադառնա նորմալ հուն: ՏԱՍՍ-ի փոխանցմամբ՝ այս մասին հայտարարել է ՌԴ նախագահի խոսնակ Դմիտրի Պեսկովը՝ մեկնաբանելով Մոսկվայում առեւտրի վրա այս հակամարտության ազդեցության մասին տեղեկությունը։
Նա նշել է, որ Ռուսաստանում մեծ թվով հայեր և ադրբեջանցիներ են բնակցում, որոնք ռուսական անձնագիր ունեն, և «նրանք բոլորը մեր հանրության հարգարժան անդամներն են»։
«Բայց ակնհայտ է, որ հայ-ադրբեջանական սահմանին լարումը չի կարող մեր այդ քաղաքացիներին անմասն թողնել և, իհարկե, նրանք զգայական կերպով արտահայտում են իրենց արձագանքը»,- ասել է Պեսկովը։
Կրեմլի խոսնակը, միաժամանակ, հիշեցրել է, որ ՌԴ-ն կողմերին զսպվածության, հրադադարի և բռնության ցանկացած դրսևորում դադարեցնելու կոչ է արել։
