07.07.2026 | 11:11
59 երկրների իրավապահներ մարդկանց առևտրով զբաղվող հազարից ավելի անձի են ձերբակալել
Իրանում մահապատժի են ենթարկել ԿՀՎ-ի և «Մոսադ»-ի օգտին լրտեսության մեջ մեղադրվողին
Քաղաքականություն
20.07.2020 | 14:30
Իրանում մահապատժի են ենթարկել ամերիկյան Կենտրոնական հետախուզական վարչության և իսրայելական «Մոսադ»-ի օգտին լրտեսության մեջ մեղադրվող ԻԻՀ քաղաքացի Մահմուդ Մուսավի Մաջդին։ Այս մասին գրում է ԻՌՆԱ-ն՝ վկայակոչելով երկրի դատական իշխանության մամուլի ծառայությունը։
Նշվում է, որ մահվան դատավճիռն ի կատար է ածվել այսօր առավոտյան։
Ավելի վաղ ԻԻՀ դատական իշխանության ներկայացուցիչ Ղոլամհոսեյն Էսմաիլին հայտնել էր, որ Մուսավի Մաջդը մահվան է դատապարտվել՝ ԿՀՎ-ին և «Մոսադ»-ին Իրանի զինված ուժերի և Իսլամական հեղափոխության պահապանների կորպուսի մասին գաղտնի տեղեկություններ փոխանցելու համար։
Նա նաև մեղադրվում էր հետախուզական այս կառույցներին գեներալ Ղասեմ Սոլեյմանիի և իրանցի զինվորական այլ հրամանատարների գտնվելու վայրը բացահայտելու համար։
Հիշեցնենք, որ գեներալ Սոլեյմանին սպանվել է հունվարի 3-ին, Բաղդադում ամերիկյան հատուկ գործողության ընթացքում։
