18.11.2024 | 12:23
Արդյո՞ք Պապիկյանը ևս հրաժարական կտա․ խոսնակի մեկնաբանությունը
87-ամյա մորը կացնահարել է, մարմինը մասնատել ու այրել. ոստիկանները բացահայտել են սարսափելի սպանությունը․ ՏԵՍԱՆՅՈՒԹ
Հասարակություն
20.07.2020 | 15:09
Հուլիսի 19-ին Ոստիկանության Բազումի բաժնում տեղեկություն է ստացվել, որ Վանաձորի Ներսիսյան թաղամասի թիվ 6 շենքի բնակարաններից մեկում որդին սպանել է մորը: Մեկնած օպերատիվ խումբը բնակարանի տարբեր հատվածներում արնանման հետքեր է հայտնաբերել։ Այս մասին տեղեկանում ենք ՀՀ Ոստիկանության մամուլի ծառայությունից։
Ձեռնարկված անհետաձգելի միջոցառումների արդյունքում պարզվել է, որ 87-ամյա տանտիրուհուն սպանել է 58-ամյա որդին, որը նախկինում դատապարտված է եղել 11 տարի 6 ամիս ժամկետով ազատազրկման՝ սպանության, խուլիգանության և ապօրինի զենք պահելու մեղադրանքով: Պատժի կրումից ազատվել է 2018 թվականին:
Տղամարդը ոստիկաններին հայտնել է, որ երկու օր առաջ մորը սպանել է կացնով, ապա մարմինը դանակով մասնատել, լցրել է պոլիէթիլենային պարկի մեջ, նետել աղբանոցն ու այրել։
Փաստի առթիվ սպանության հատկանիշներով հարուցվել է քրեական գործ Ձեռնարկված օպերատիվ-հետախուզական միջոցառումների և քննչական գործողությունների շնորհիվ թաղամասի աղբամաններից մեկում հայտնաբերվել են տարեց կնոջ այրված մարմնամասերը։
Հանցագործության գործիք կացինը հայտնաբերվել է։ Նշանակվել են փորձաքննություններ։ Տղամարդը ձերբակալվել է։ Հարուցված քրեական գործի նախաքննությունը շարունակվում է։
