18.11.2024 | 13:45
ԲԴԽ նախագահի պաշտոնում շրջանառվում է Արթուր Աթաբեկյանի թեկնածությունը
Խնդրում եմ ձեռնպահ մնալ բանակի համար որևէ գույք ձեռք բերելու նախաձեռնությունից. գումարը պարզապես փոխանցեք Զինծառայողների ապահովագրության հիմնադրամին. Նիկոլ Փաշինյան
Քաղաքականություն
20.07.2020 | 12:29
Վարչապետ Նիկոլ Փաշինյանը ֆեյսբուքյան գրառմամբ կոչ է արել ձեռնպահ մնալ բանակի համար որևէ գույք ձեռքբերելու նախաձեռնությունից, իսկ այդ գույքի համար ծախսվելիք գումարը պարզապես փոխանցել Զինծառայողների ապահովագրության հիմնադրամին։
«Սիրելի հայրենակիցներ, քանի որ այս օրերին բազմաթիվ նամակներ ենք ստանում, զանգեր, որոնց հեղինակ մեր հայրենակիցները հետաքրքրվում են, թե ինչպես կարող են մեր բանակին ֆինանսական աջակցություն ցուցաբերել, տեղեկացնում եմ, որ նման ցանկություն ունեցող մեր հայրենակիցները իրենց նվիրատվությունները կարող են փոխանցել Զինծառայողների ապահովագրության հիմնադրամին: Նվիրատվությունները կարելի է կատարել օնլայն եղանակով՝ ստորև հղված կայքի միջոցով:
Խնդրում եմ նաև ձեռնպահ մնալ բանակի համար որևէ գույք ձեռքբերելու նախաձեռնությունից: Այդ գույքի համար ծախսվելիք գումարը պարզապես փոխանցեք Զինծառայողների ապահովագրության հիմնադրամին, որի գործունեությունը լիարժեք թափանցիկ է, և գտնվում է օրենքով նախատեսված վերահսկողության ներքո»,- գրել է վարչապետը:
