03.08.2026 | 17:09
Կինս դեկրետում է, որից հետո չի վերադառնա ԱԺ աշխատանքի. Ռուբինյան. ՏԵՍԱՆՅՈՒԹ
Հոնկոնգը դատապարտում է ԱՄՆ-ին
Քաղաքականություն
19.07.2020 | 17:14
ԱՄՆ-ի կողմից ընդունված «Հոնկոնգի ինքնավարության ակտ» անվանումը կրող օրենքը Չինաստանի ներքին գործերին միջամտելու մեծ փորձ է, ասել է Հոնկոնգի ներքին գործերի նախարարը. փոխանցում է VOA-ն:
Հակառակ Չինաստանի կողմից լուրջ ընդդիմությանը, Միացյալ Նահագները վերջերս ուժի մեջ դրեց Կոնգրեսի կողմից ընդունված օրենքը: Օրենքը, որն ընդունվել է Հոնկոնգում Չինաստանի կողմից անվտանգության նոր օրենքներին ի պատասխան, նախատեսում է պատժամիջոցներ ընդդեմ Պեկինի:
Հոնկոնգի չինաստանամետ կառավարության անդամներն ասում են, թե Հոնկոնգը պատկանում է Չինաստանին, որը, ըստ նրանց, թույլ չի տա օտար որևէ պետության միջամտություն Հոնկոնգում:
Ըստ Չինաստանի իշխանությունների, իրենք պետք է ապահովեն Հոնկոնգի ազգային անվտանգությունը: «Մենք ոչ միայն պետք է բարելավենք Հոնկոնգի համակարգը, այլ նաև պիտի երիտասարդ սերնդի դաստիարակենք հայրենիքի նկատմամբ սիրով ու նվիրվածությամբ: Սակայն մինչ այդ հարկավոր է ուժի մեջ դնել խիստ միջոցներ»,- ասում է ներքին գործերի նախարարը:
Հոնկոնգի ազգային անվտանգության մասին օրենքը միաձայնորեն ընդունվել էր Չինաստանի Ժողովրդական 13-րդ համագումարի 20-րդ նստաշրջանում հունիսի 30-ին:
