23.05.2026 | 16:30
Էս խելագարը բռնում է քաղաքացիներին ու պատասխան է պահանջում չզոհվելու համար. Ագնեսա Խամոյան. ՏԵՍԱՆՅՈՒԹ
Եվրոպայի հետ կիսափաստաթուղթ է ստորագրվել, բայց եթե 3 օր էլ այսպես շարունակվի Սերժ Սարգսյանը Կիմ Չեն Ընին «աբգոն» կանի. Նիկոլ Փաշինյան
Քաղաքականություն
29.11.2017 | 12:10
Ազգային ժողովի արտաքին հարաբերությունների հանձնաժողովում ընդդիմադիր «Ելք» խմբակցության Եվրասիական տնտեսական միությունից (ԵՏՄ) դուրս գալու գործընթաց սկսելու վերաբերյալ ԱԺ հայտարարության նախագծի քննարկման ընթացքում խմբակցության ղեկավար Նիկոլ Փաշինյանն իր խոսքում անդրադարձավ ԵՏՄ-ին առնչվող մի շարք խնդիրների, բարձաձայնեց անգամ վերջին օրերին մանդարին ներկրելու հետ կապված ՊԵԿ-ի սահմանած արգելքներին:
«Երեկ պարզվեց, որ Վրաստանից 5 կգ-ից ավելի մանդարին ներկրելու համար հարկավոր է 4 կգ փաստաթուղթ կցել դրան, և դա ԵԱՏՄ-ի նոր նվաճումն է։ Վրաստանի հետ մենք հիմա ազատ առևտրի համաձայնագիր ունենք և կարող ենք ոչ միայն 5, այլև 6, 7, նույնիսկ 8 կգ մանդարին ներկրել Վրաստանից։ Բայց դրա համար պետք է ֆիտոսանիտարական, միջուկային, քիմիական, կենսաբանական և այլ բազմաթիվ տեղեկանքներ»,- հայտարարեց Փաշինյանը:
Ընդդիմադիր խմբակցության ղեկավարն անդրադարձավ նաև Հայաստան-ԵՄ Համապարփակ և ընդլայնված գործընկերության՝ օրեր առաջ ստորագրված համաձայնագրին:
«Մամուլը բացեք, Եվրոպայի հետ մի հատ կիսափաստաթուղթ է ստորագրվել, որտեղ բացում ես գրած է՝ Սերժ Սարգսյանն ամենաիմաստունն է: Այս տեմպերով, որ գնա Կիմ Չեն Ընին «աբգոն» կանի: Պարզ է, որ սա արվում է իշխանության աթոռը հերթական անգամ գրոհելու համար»,- շարունակեց պատգամավորը:
Մանրամասները՝ տեսանյութում:
