10.08.2026 | 17:11
Պատրա՞ստ եք հրապարակել 44-օրյա պատերազմի հանգամանքներն ուսումնասիրող հանձնաժողովի զեկույցը. Մանուկյանը՝ Գավրիելյանին. ՏԵՍԱՆՅՈՒԹ
Պատվաստումների նույնիսկ կարճաժամկետ դադարեցումը կարող է լուրջ հետևանքներ ունենալ․ Գայանե Սահակյան
Հասարակություն
17.07.2020 | 12:38
Այս տարվա ընթացքում արդեն ունեցել ենք խոզուկի 2 դեպք, իսկ նախորդ տարի խոզուկի դեպքեր չեն գրանցվել։ Այս մասին այսօր մամուլի ասուլիսի ժամանակ հայտնեց ՀՀ ԱՆ Հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ, իմունականխարգելման ազգային ծրագրի ղեկավար Գայանե Սահակյանը։
Վերջինս նշեց, որ պետք է զգոն լինել, քանի որ առողջապահական ամբողջ համակարգն այս պահին ուղղորդված է կորոնավիրուսային հիվանդության դեմ պայքարին:
«Ինչ խոսք, մեզ բոլորովին ձեռք չի տա, որ մի խնդրի հետ ունենանք մեկ այլ խնդիր։ Կարմրուկի, կարմրախտի առումով ևս շատ զգայուն միջավայր է»,- նշեց Սահակյանը։
Նրա խոսքով՝ պատվաստումների նույնիսկ կարճաժամկետ դադարեցումը կամ ուշացումը կարող է լուրջ հետևանքներ ունենալ, քանի որ մենք մեր երկրում ունենք հիվանդություններ, որոնք դեռևս գերակա են․ «Օրինակ՝ կապույտ հազ, այն մշտապես կա նույնիսկ կորոնավիրուսային հիվանդության այս համավարակային պայմաններում մենք դեպքեր ենք գրանցում կապույտ հազի։ Եթե կարճաժամկետ դադարեցնենք կամ դանդաղեցնենք պատվաստումների կատարողականը, անմիջապես ընկալողունակությունը ավելանում է, և այդ վիրուսը անմիջապես գտնում է նրանց, ովքեր պաշտպանված չեն»,- ասաց Գայանե Սահակյանը։
Մանրամասները՝ տեսանյութում։
