03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Սննդամթերքի և ոչ ալկոհոլային խմիչքների գներն աճել են 2 %-ով
Տնտեսություն
16.07.2020 | 19:48
Այս տարվա հունիսին նախորդ տարվա նույն ամսվա համեմատ սննդամթերքի և ոչ ալկոհոլային խմիչքների գներն աճել են 2 %-ով։ Այս մասին տեղեկանում ենք Պետական վիճակագրական ծառայության հրապարակած տվյալներից։
Մասնավորապես աճել են հացաբուլկեղենի և ձավարեղենի գները՝ 3,5 %-ով, բրինձը՝ 6,2 %-ով, ալյուր և այլ ձավարեղեն՝ 10,6 %-ով, որից հացը՝ 1,4 %-ով, մակարոնեղենը՝ 7,3 %-ով, իսկ մրգերի գինը նախորդ հունիսի համեմատ աճել է 15,3 %-ով, բանջարեղենինը՝ 4,6 %-ով, զովացուցիչ ըմպելիքներինը՝ 2,4 %-ով, ալկոհոլային խմիչքները՝ 11,1 %-ով։
Մի շարք ապրանքների շուկայում գները նվազում է նկատվել։ Մասնավորապես, էժանացել է միսը՝ 3,3 %-ով, ձուն՝ 19,2 %-ով, կարտոֆիլը՝ 17 %-ով, կարագը՝ 4,2 %-ով, շաքարը՝ 5,3 %-ով։
Նշենք սակայն, որ սննդամթերքի և ոչ ալկոհոլային խմիչքների գները հունիսին, նախորդ ամսվա համեմատ նվազել է 3,5 %-ով։ Հունիսին մայիսի համեմատ նվազել են բանջարեղենի գները՝ 22 %-ով, իսկ խոզի մսի գինը բարձրացել է 4,2 %-ով։
