19.02.2026 | 23:00
ՀՀ ԱԺ նախագահը հայտարարում է Կոռուպցիայի կանխարգելման հանձնաժողովի անդամների պաշտոններում թեկնածուների ընտրության մրցույթ
2,6 միլիարդ դրամ՝ սուբվենցիոն ծրագրերին. ՏԵՍԱՆՅՈՒԹ
Տնտեսություն
16.07.2020 | 11:45
Կառավարությունը հուլիսի 16-ի նիստում 2, 646 մլրդ դրամ հատկացրեց մարզպետարաններին 2019-ին սկսված սուբվենցիոն ծրագրերի համար, որոնք չեն ավարտվել 2019-ին, կավարտվեն այս տարի:
Հարցը ներկայացրեց ՀՀ տարածքային կառավարման և ենթակառուցվածքների նախարար Սուրեն Պապիկյանը՝ նշելով. «Խոսքը վերաբերում է 83 համայնքի 106 սուբվենցիոն ծրագրի»,-ասաց նա:
ՀՀ վարչապետ Նիկոլ Փաշինյանը նշեց, որ այս տարվա համար շուրջ 700 սուբվենցիոն ծրագրեր կան և աննախադեպ ծավալ են ունենալու. «Մենք պետք է համաֆինանսավորենք: Կարծում եմ՝ սուբվենցիոն ծրագրերը մեր ամենակարևոր ուղղություններից են տարածքային համաչափ զարգացման համար»:
Պապիկյանը հստակեցրեց, որ այս տարի հաստատվել է 701 սուբվենցիոն ծրագիր, շուրջ 44 մլրդ դրամի, որից կառավարության համաֆինանսավորման բաժինը կազմում է 24 մլրդ դրամ:
Մանրամասները՝ տեսանյութում:
