08.08.2026 | 19:55
Օգոստոսի 10-ին Հայաստանի մի շարք հասցեներում էլեկտրաէներգիայի անջատումներ կլինեն
Անցյալում գնդակահարում էին պատերազմի ժամանակ սուտ տեղեկություն տարածող «պրովոկատորներին», հիմա օրինագիծ է պետք. Արմեն Խաչատրյան. ՏԵՍԱՆՅՈՒԹ
Հասարակություն
15.07.2020 | 17:00
Ադրբեջանն ամեն անգամ փորձում է «ատամ» գցել ու դա քաղաքական դիվիդենտի վերածել, բայց այս անգամ չհաջողվեց: Այսօր խորհրդարանում՝ Factor.am-ի հետ զրույցում այս մասին ասաց իշխող ուժի պատգամավոր Արմեն Խաչատրյանը՝ խոսելով հուլիսի 13-ից ՀՀ պետական սահմանին Ադրբեջանի կողմից սանձազերծված ռազմական գործողությունների մասին:
«Եթե այսօր Ադրբեջանը փորձի 2016-ի նման հարձակվել, չի հաջողվի իրեն: Մեր զինվորները փայլեցին, արժանի հակահարված տվեցին այդ երկրին: Ռազմական գործողությունները շարունակելու դեպքում Ադրբեջանի համար անկանխատեսելի հետևանքներ կլինեն»,- հայտարարեց պատգամավորը:
Խաչատրյանը խոսեց նաև պատերազմական իրավիճակում որոշ լրատվական կայքերի կողմից սուտ տեղեկություններ տարածելու խնդրի վերաբերյալ՝ շեշտելով. «Սուտ հրապարակումները դիվերսիոն գործողություններ են: Պատերազմի ժամանակ սուտ տեղեկություն տարածող «պրովոկատորներին» անցյալում գնդակահարում էին: Հիմա պետք է օրինագիծ մշակել: Ես ինքս ձեռնամուխ կլինեմ դրան, եթե իրավական հիմքերը տեսնեմ: Երբեմն մտածում եմ, որ սուտ տեղեկություններ տարածողների երակներում հայկական արյուն չէ կամ էլ բորենու կամ շնագայլի արյուն է հոսում»:
Պատգամավորը հավելեց նաև, որ իրականությանը չհամապատասխանող տեղեկություններ տարածողները հանուն նեղ շահերի փորձում են ներսից ջլատել երկիրը:
Մանրամասները՝ տեսանյութում:
Մերի Մարտիրոսյան
