18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Իմ վերաբերմունքը բացասական է․ սա չեմ համարում լավ լուծում, բայց այդուհանդերձ լուծում է․ Միրզոյան. ՏԵՍԱՆՅՈՒԹ
Քաղաքականություն
15.07.2020 | 15:20
ԱԺ արտահերթ նիստում քննարկվում է «Ազգային ժողովի կանոնակարգ» սահմանադրական օրենքում լրացում կատարելու մասին և «Կոռուպցիայի կանխարգելման հանձնաժողովի մասին» օրենքում փոփոխություն կատարելու մասին նախագծերի փաթեթը։
Նախագծով առաջարկվում է Կոռուպցիայի կանխարգելման հանձնաժողովի անդամի թափուր պաշտոնում թեկնածուի առաջադրման իրավունքով օժտել ոչ թե Ազգային ժողովի խմբակցություններին, այլ Ազգային ժողովը ներկայացնելու և նրա բնականոն գործունեությունն ապահովելու իրավասություն ունեցող անձին՝ Ազգային ժողովի նախագահին: Առաջարկի ընդունման պարագայում կապահովվի սույն գործընթացում թեկնածուի անխոչընդոտ առաջադրումը և մրցութային խորհրդի բնականոն գործունեությունը: Միաժամանակ, նախագծերի փաթեթով առաջարկվում է համապատասխան իրավասություն վերապահել Ազգային ժողովի նախագահին:
ԱԺ նախագահ Արարատ Միրզոյանը, անդրադառնալով առաջարկվող փոփոխություններին և ընդդիմադիր պատգամավորների հնչեցրած մտահոգություններին, նշեց, որ իր վերաբերմունքը բացասական է։
«Ես չեմ համարում սա լավ լուծում։ Այդուհանդերձ, ես համարում եմ սա լուծում, որովհետև մինչև հիմա մենք չունեինք այն։ Ամիսներ առաջ բոլորս միասին քվեարկել ենք այս մեխանիզմի օգտին։ Ես ընդհանրապես դեմ եմ մրցութային հանձնաժողովի գաղափարին»,- մասնավորապես նշեց Միրզոյանը։
Մանրամասները՝ տեսանյութում։
