14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
ԱՄՆ-ն կշարունակի զինել Սիրիայի դեմոկրատական ուժերին
Քաղաքականություն
28.11.2017 | 20:19
Չնայած ԱՄՆ-ի նախագահ Դոնալդ Թրամփը Ռեջեփ Թայիփ Էրդողանի հետ հեռախոսազրույցի ժամանակ խոստացել էր այլևս չզինել Սիրիայի քրդական «Ժողովրդական ինքնապաշտպանական ջոկատներ»-ին (ԺԻՋ-YPG), այնուամենայնիվ պաշտոնական Վաշիգտոնը չի պահել իր խոստումը:
Ըստ «Turkiyegazetesi» թերթի կայքի՝ նման հայտարարություն է արել Էրդողանի մամուլի խոսնակ Իբրահիմ Քալընը: Վերջինիս խոսքերով նոյեմբերի 28-ին Պենտագոնը հանդես է եկել հայտարարությամբ, որ պաշտոնական Վաշինգտոնը շարունակելու է համագործակցությունը «Սիրիայի դեմոկրատական ուժեր» (SDF)-ի հետ: Ինչպես հայտնի է վերջիններիս կազմում է նաև YPG-ն. փոխանցում է EH-ն:
Պենտագոնի հայտարարության մեջ նշվել է, որ SDF-ին տրամադրվելիք զենքերը սահմանափակ քանակով են լինելու:
Հիշեցնենք, որ Թուրքիան SDF-ին, ինչպես նաև դրա կազմի մեջ մտնող YPG-ին, համարում է ահաբեկչական կազմակերպություններ:
Հավելենք, որ ԱՄՆ-ն SDF-ին զենքեր է տրամադրում՝ «Իսլամական պետություն» (ԻՊ) ահաբեկչական կազմակերպության զինյալների դեմ պայքարի շրջանակներում:
