30.08.2026 | 00:13
Հայտնի է «Արարատ-Արմենիայի» խաղացանկը Եվրոպա լիգայում
Ադրբեջանի ՊՆ-ն հաստատեց իր բանակի գեներալի մահվան լուրը
Քաղաքականություն
14.07.2020 | 13:38
Ադրբեջանի Պաշտպանության նախարարությունը հաստատեց ադրբեջանական բանակի գեներալի մահվան լուրը։ Այդ երկրի պաշտպանության փոխնախարար Քերիմ Վելիևը հայտնել է, որ սպանվել է գեներալ-մայոր Փոլադ Հաշիմովը, գրում են տեղական լրատվամիջոցները։
«Այսօր առավոտյան մարտի ժամանակ զոհվել է ադրբեջանական բանակի գեներալ-մայոր Փոլադ Հաշիմովը»,- մասնավորապես ասել է պաշտպանության փոխնախարարը։
Վելիևը նշել է, որ մարտերի ընթացքում ադրբեջանական բանակը ևս մեկ բարձրաստիճան սպա է կորցրել՝ բանակային կորպուսի հրետանու պետ, գնդապետ Իլգար Միրզոևին։
Ադրբեջանի ՊՆ-ի տվյալներով՝ ընդհանուր առմամբ բանակն այսoր 7 կորուստ է ունեցել։ «Գեներալ-մայոր Հաշիմովից և գնդապետ Միրզոևից բացի՝ ևս 5 մարդ է զոհվել, այդ թվում՝ 2 սպա»,- նշել են Ադրբեջանի ՊՆ-ում։
