Արտակարգ դրության ևս մեկ ամսով երկարաձգում՝ ներքին և արտաքին մարտահրավերների սրման ֆոնին. ՏԵՍԱՆՅՈՒԹ

Լուրեր

17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
17.11.2026 | 20:09
Վիրավորանքի համար՝ նվազագույնը 1 մլն, զրպարտության համար՝ 2 մլն դրամ․ ԱՆ-ն առաջարկում է փոխհատուցման նոր շեմեր
17.11.2026 | 20:06
Գերմանիայի ԱԳ նախարարը Բաքվում է․ նրան ընդունել է Ալիևը
17.11.2026 | 19:52
Ազգային հերոսը՝ կոռուպցիայի համար դատապարտված․ ինչու Փիլոյանը չի զրկվել կոչումից. ՏԵՍԱՆՅՈՒԹ
17.11.2026 | 19:40
Կրպակները քանդեցին, բարեկարգումը հետաձգվեց․ Շինարարների փողոցի պատկերը՝ 1 ամիս անց. ՏԵՍԱՆՅՈՒԹ
17.11.2026 | 19:30
Հայաստանի բնակչությունը գերազանցել է 3,1 միլիոնը․ հիմնական աճը՝ Երևանում և հարակից մարզերում
17.11.2026 | 19:16
Փրկարարները մարել են հանդիսությունների սրահում բռնկված հրդեհը
17.11.2026 | 19:01
Որտեղի՞ց էր այն փողը, որը տալիս էր․ Վահագն Ալեքսանյանը՝ Արսեն Գևորգյանի մասին. ՏԵՍԱՆՅՈՒԹ
17.11.2026 | 18:49
Թուրքիայի դատարանն ընդդիմադիր Sözcü TV-ն պետական ​​վերահսկողությանն է փոխանցել․ ոստիկանությունը ձերբակալել է ղեկավարներին
17.11.2026 | 18:28
Թրամփը հայտարարել է, որ Վաշինգտոնի վրա հարձակման դեպքում Իրանը շատ մեծ գին կվճարի
17.11.2026 | 18:22
Եթե ես վաղը բանտում մահանամ, ինձ հետ սենց չվարվեք հանկարծ․ Եղոյանը՝ Արսեն Գևորգյանի մահվան մասին․ ՏԵՍԱՆՅՈՒԹ
Բոլորը

Կառավարության որոշմամբ այսօր ևս մեկ ամսով երկարաձգվեց կորոնավիրուսի համաճարակի հետևանքով երկրում հայտարարված արտակարգ դրության ժամկետը։ Այսպիսով նախատեսվում է 2020 թվականի հուլիսի 13-ից ժամը 17:00-ից 30 օրով՝ մինչև օգոստոսի 12-ը ժամը 17:00-ն ներառյալ երկրում պահպանել արտակարգ դրությունը։

Սա մարտ ամսից սկսած արդեն 4-րդ երկարաձգումն է: Կառավարության այսօրվա նիստում առողջապահության նախարարը նշեց՝ կորոնավիրուսի վարակակիրների թիվը Հայաստանում հասնում է 32 հազարի։ Օրական գրանցվող վարակման դեպքերը շարունակում են մնալ եռանիշ թվերով։

Որոշումը ընդունվելուց հետո այն ուղարկվեց Ազգային ժողով, որտեղ փոխվարչապետ, պարետ Տիգրան Ավինյանն ասաց առանց արտակարգ դրություն սահմանելու հակահամաճարակային պայքարը բավարար չի լինի։ Պարետը հույս հայտնեց, որ հետագայում արտակարգ դրությունը երկարացնելու անհրաժեշտություն չի լինի, սակայն ասաց, որ քննարկվում են տարբեր սցենարներ մինչև անգամ խիստ սահմանափակումների գնալը։

Ընդդիմադիր երեք ուժեր՝ ԲՀԿ-ն, ՀՅԴ-ն և «Հայրենիք» կուսակցությունը հայտարարել են, որ պատրաստվում են դիմել Ազգային ժողով և պահանջել արտակարգ դրության պայմաններում հավաքների ազատության սահմանափակումը վերացնել․:«Աշխատանքային խումբն ԱԺ որոշման նախագծով քաղաքական իշխանությանը մասնավորապես առաջարկում է հրաժարվել հանրային քննադատներին լռեցնելու արատավոր փորձից, դադարեցնել անձանց հավաքներ անցկացնելու սահմանադրական իրավունքների իրացման անհիմն և տոտալ սահմանափակումը, փոխարենը՝ սահմանել հավաքներ անցկացնելու կանոններ, ինչով հնարավոր կդառնա, առանց անձանց սահմանադրական իրավունքը խախտելու, կանխել վարակի հնարավոր տարածումը։ Առաջարկվում է սահմանել հավաքներ անցկացնելու կանոններ, ըստ որոնց՝ անձինք հավաքներ անցկացնելիս պարտավոր կլինեն միմյանցից պահպանել 1,5 մետր հեռավորություն և կրել դիմակներ»,- ասված է հայտարարության մեջ։

Երեք կուսակցությունները նաև զգուշացնում են, եթե ԱԺ-ն մերժի իրենց պահանջը, ապա կդիմեն վարչական դատարան։

Իրավապաշտպան Ռուբեն Մելիքյանը, որը հունիսի 12-ին միայնակ բողոքի ակցիա էր անցկացնում ԱԺ-ի դիմաց, գտնում է, որ պետք է թույլատրվի հավաքների անցկացումը: «Այս ամբողջ ընթացքում տասնյակ մարդիկ ենթարկվել են ոստիկանական բռնաճնշումների այն պատճառով, որ արտակարգ դրություն է հայտարարված և արտակարգ դրության ամենասրբազան բաղադրիչը դարձել է հավաքների սահմանափակումը, և դա ավելի լայն է հասկացվում, քան կարող էր»,- նշեց նա։

Վարչապետ Նիկոլ Փաշինյանն էլ իր հերթին այսօրվա նիստում ասաց, որ արտակարգ դրությունը պետք է փոխարինել արտակարգ իրավիճակով, որի դեպքում սահմանափակումներն ավելի մեղմ կլինեն։ Իրավապաշտպան Ռուբեն Մելիքյանի խոսքով՝ վարչապետի այս հայտարարությունը պետք է վաղուց կյանքի կոչված լիներ, բայց ինքը մտավախություն ունի, որ այս դեպքում էլ կարող են խնդիրներ առաջանալ։

Իշխող ուժի պատգամավոր Արուսյակ Ջուլհակյանը հավաքների ազատություն պահանջող ուժերին հիշեցնում է, որ երբ երկրում կար մեկ վարակակիր՝ նրանք իշխանություններին ամենախիստ ձևով մեղադրում էին քարոզարշավ իրականացնելու և մարդկանց կյանքը վտանգելու համար։

«Բարգավաճ Հայաստանի», ՀՅԴ-ի և «Հայրենիք» կուսակցության առաջարկությունը հավաքների անցկացման արգելքը հանելու վերաբերյալ ԱԺ-ում դրվեց քվեարկության, այն չընդունվեց՝ 21 կողմ 60 դեմ ձայների հարաբերակցութամբ։

Թե ինչ կարծիք ունեն քաղաքացիները արտակարգ դրության ժամկետի երկարացման վերաբերյալ, փորձեցինք պարզել հարցման միջոցով։

Մանրամասները՝ տեսանյութում։

Լիլիթ Շաբոյան