«Ոսկե ծիրանը» կորոնավիրուսի օրերին. ե՞րբ և ինչպե՞ս կանցկացվի փառատոնը. ՏԵՍԱԱՆՅՈՒԹ

Լուրեր

17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
17.11.2026 | 20:09
Վիրավորանքի համար՝ նվազագույնը 1 մլն, զրպարտության համար՝ 2 մլն դրամ․ ԱՆ-ն առաջարկում է փոխհատուցման նոր շեմեր
17.11.2026 | 20:06
Գերմանիայի ԱԳ նախարարը Բաքվում է․ նրան ընդունել է Ալիևը
17.11.2026 | 19:52
Ազգային հերոսը՝ կոռուպցիայի համար դատապարտված․ ինչու Փիլոյանը չի զրկվել կոչումից. ՏԵՍԱՆՅՈՒԹ
17.11.2026 | 19:40
Կրպակները քանդեցին, բարեկարգումը հետաձգվեց․ Շինարարների փողոցի պատկերը՝ 1 ամիս անց. ՏԵՍԱՆՅՈՒԹ
17.11.2026 | 19:30
Հայաստանի բնակչությունը գերազանցել է 3,1 միլիոնը․ հիմնական աճը՝ Երևանում և հարակից մարզերում
17.11.2026 | 19:16
Փրկարարները մարել են հանդիսությունների սրահում բռնկված հրդեհը
17.11.2026 | 19:01
Որտեղի՞ց էր այն փողը, որը տալիս էր․ Վահագն Ալեքսանյանը՝ Արսեն Գևորգյանի մասին. ՏԵՍԱՆՅՈՒԹ
Բոլորը

Վերջին 17 տարվա ընթացքում առաջին անգամ հուլիսին Երևանում ոսկեծիրանյան թոհուբոհ, կարմիր գորգեր ու աստղային հյուրերի ընդունելություն չի լինի: Կինոտրամադրություն ստեղծող փառատոնի բուն մասը կորոնավիրուսի պատճառով  հետաձգվում է. այն նախատեսվում է անցկացնել նոյեմբերի 1-8-ը:  Իսկ հուլիսի 13-16-ը կիրականցվեն փառատոնի կինոարտադրության ոլորտի զարգացման GAIFF Pro նորարարական հարթակի ծրագրերն ու նախագծերը, բայց արդեն՝ առցանց ձևաչափով:

«Ոսկե ծիրան» միջազգային կինոփառատոնի գեղարվեստական տնօրեն Կարեն Ավետիսյանը Factor.am-ի հետ զրույցում նշում է՝ որոշել են ինչ-որ չափով պահպանել հուլիսյան  այն ավանդույթները, որոնք մասսայականություն չեն ենթադրում: Ինչ վերաբերում է փառատոնի բուն մասին, դրա ֆորմատը կախված կլինի տվյալ իրավիճակից:

Քննարկվող ձևաչափերից մեկն այն է, որ նոյեմբերին կինոդիտումներն անցկացվեն սահմանափակ թվով հանդիսատեսի ներկայությամբ, որպեսզի հնարավոր լինի պահպանել ֆիզիկական հեռավորությունը: Եթե կառավարությունը թույլատրի, դա, թերևս, կլինի լավագույն  լուծումը:

Ի դեպ, նշենք, որ, օրինակ, Ֆրանսիայում այժմ էլ կիրառվում է միջոցառումների անցկացման նմանատիպ պրակտիկա, իսկ Գերմանիայում աշնանը կայանալիք միջոցառումների դեպքում նախատեսվում է վաճառել տոմսերի երեսուն տոկոսը: Եթե մեր երկրի սահմանները բաց լինեն, կարող ենք դրսից ունենալ նաև քիչ թվով հյուրեր, իսկ բուն փառատոնի առցանց անցկացումը կազակերպիչները թողել են որպես վերջնական տարբերակ:

GAIFF Pro ծրագրերի ղեկավար ՍոնաԿարապողոսյանը նշում է՝  փառատոնն այս տարի տասնյակ թվով  երկրներից լիամետրաժ և կարճամետրաժ ֆիլմերի  800 հայտ է ստացել, իսկ կոնկրետ GAIFF Pro-ն արտադրական մասով ստացել է 40 նախագիծ՝ 4 երկրից: Ի դեպ,  նվազել են Հայաստանից նախատեսվող հայտերը. դրանք ընդամենը 8-ն են: Ռեժիսոր Վահան Խաչատրյանը, որի «Սահմանագծից այն կողմ» ֆիլմն անցել է C2C օնլայն շուկայի եզրափակիչ փուլ, ևս կարևորում է կինոգործիչների հետ փորձի փոխանակման տետատետ ֆորմատը, որը, ցավոք, այս տարի հնարավոր չի լինի իրականացնել:

Factor.am-ը հետաքրքրվեց նաև կինոփառատոնի ֆինանսական մասով: Հարցին, թե կորոնավիրուսի պատճառով  փառատոնի բյուջեն, ներառյալ՝ ԿԳՄՍ նախարարության կողմից տրամադրվելիք գումարի չափն արդյոք  փոփոխության ենթարկվե՞լ է, կինոփառատոնի համակարգող տնօրեն Արայիկ Մանուկյանը պատասխանեց, որ «Ոսկե ծիրանի» բյուջեն գրեթե մշտապես կազմել է  մոտ 200 միլիոն  դրամ, որի միայն մեկ քառորդ մասն է հատկացրել կառավարությունը:  Նրա խոսքով՝ համավարակով պայմանավորված այս տարվա բյուջեն կտարբերվի նախորդ տարիներից:

«Ինչ վերաբերում է կառավարության աջակցությանը, ապա առաջին փուլի համար կհատկացվի մոտ 31 միլոն  դրամի  աջակցություն, որից ավելի քան 5 միլիոնը կազմում են հարկերը.այսինքն՝ աջակցությունը կկազմի  26 միլիոն դրամ: Երկրորդ փուլի հատկացումների հարցը կքննարկենք սեպտեմբեր-հոկտեմբեր ամիսներին և եթե պարզվի, որ հնարավոր չէ ամբողջական ծավալով փառատոն անցկացնել, բնականաբար, աջակցության 2-րդ մասը նախարարությունը չի տրամադրի. այն կազմում է 34 միլիոն դրամ, որից մոտ 6 միլիոն դրամը  կազմում են հարկերը: Շնորհակալություն ԿԳՄՍ նախարարությանը, որ հնարավոր եղավ գտնել արդյունավետ կառավարման միջոց՝ մի կողմից ընդհանուր աջակցության բյուջեում մոտ 3 միլիոն դրամով, ըստ էության, ավելացնել փառատոնին տրվող աջակցությունը նախորդ տարիների համեմատ, մյուս կողմից՝ խնայել միջոցները համավարակային իրավիճակով պայմանավորված երկփուլ կառավարման մոդելին անցնելով»,- ասված է Արայիկ Մանուկյանի գրավոր պատասխանում:

Աննա Բաբաջանյան