07.07.2026 | 17:57
Արարատում ապօրինի ընդերքօգտագործման գործերով ավելի քան 30 մլն դրամի վնաս է վերականգնվել
Իտալիան արգելել է ԵՄ անդամ չհանդիսացող, համաճարակի «կարմիր գոտում» գտնվող 13 երկրից, այդ թվում՝ Հայաստանից ժամանածների մուտքը երկիր
Քաղաքականություն
10.07.2020 | 14:11
Իտալիայի իշխանությունները կորոնավիրուսի համաճարակային վատ իրավիճակով պայմանավորված՝ ժամանակավորապես արգելել են, այսպես կոչված համաճարակային «կարմիր գոտում» գտնվող և ԵՄ անդամ չհանդիսացող 13 երկրից ժամանողների մուտքը երկիր: Համապատասխան հրամանագիրը հուլիսի 9-ին ստորագրել է Իտալիայի առողջապահության նախարար Ռոբերտո Սպերանցան, գրում է «ՏԱՍՍ» -ը:
«Առողջապահության նախարար Ռոբերտո Սպերանցան տրանսպորտի և արտաքին գործերի նախարարությունների հետ համաձայնությամբ հրամայել է արգելել մուտքը (անգամ տարանցիկ նպատակով) այն մարդկանց համար, որոնք վերջին 14 օրվա ընթացքում եղել են Հայաստանում, Բահրեյնում, Բանգլադեշում, Բրազիլիայում, Բոսնիա և Հերցոգովինայում, Չիլիում, Քուվեյթում, Հյուսիսային Մակեդոնիայում, Մոլդովայում, Օմանում, Պանամայում, Պերուում և Դոմինիկյան Հանրապետությունում: Իտալիայի իշխանությունների որոշումը պայմանավորված է սանիտարական անվտանգության անհրաժեշտ մակարդակը պահելու նպատակով»,-ասված է նախարարության տարածած հաղորդագրությունում:
