10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Չեմ տեսնում այն քաղաքական կամքը, որն օգտվելու է ԵՄ-ի տված հաջողության բանալուց. Նաիրա Զոհրաբյան
Քաղաքականություն
27.11.2017 | 19:11
Հայաստան-ԵՄ համաձայնագիրը հաջողության բանալի է՝ տրված Հայաստանին: Factor.am-ի հետ զրույցում ասաց Եվրոպական ինտեգրման հարցերի մշտական հանձնաժողովի նախագահ Նաիրա Զոհրաբյանը:
«Որքանով կկարողանա Հայաստանը ճիշտ օգտագործել իր հաջողության բանալին, արդեն կախված է իշխանության քաղաքական կամքից: Համաձայնագիրը կյանքի բոլոր ոլորտներում նախատեսում է լրջագույն բարեփոխումներ: Շատերին է հետաքրքրում՝ համաձայնագիրը տալի՞ս է անվտանգության երաշխիքներ, իհարկե, կոշտ անվտանգության դրույթներ չկան: Անվտանգության ամենամեծ երաշխիքը ժողովրդավար պետություն ունենալն է: Այս համաձայնագիրն իր ոլորտային բարեփոխումների միջոցով կարող է ունենալ իսկապես ժողովրդավար, արդար, օրինական խաղի կանոններով առաջնորդվող պետություն»,- ասաց պատգամավորը:
Նաիրա Զոհրաբյանն, այնուամենայնիվ, թերահավատ է, որ իշխանությունը քաղաքական կամք կդրսևորի համաձայնագրի հանձնառությունները կատարելու համար:
«Եթե չգնան այդ բարեփոխումներին, միակ մարդաշատ վայրը Հայաստանում կդառնան ԵՄ դեսպանատները, «Զվարթնոց» օդանավակայանը»,- ընդգծեց տիկին Զոհրաբյանը:
Մանրամասները՝ տեսանյութում:
