30.08.2026 | 00:13
Հայտնի է «Արարատ-Արմենիայի» խաղացանկը Եվրոպա լիգայում
Շիրակում կորոնավիրուսային հիվանդության 45 նոր դեպք կա․ Գյումրու ինֆեկցիոնում 67 հիվանդ է բուժվում
07.07.2020 | 16:29
Շիրակի մարզպետարանի հրապարակած տվյալների համաձայն՝ հուլիսի 7-ի ժամը 11։30-ի դրությամբ Գյումրու ինֆեկցիոն հիվանդանոցում կորոնավիրուսով 67 հիվանդ է բուժվում, նրանցից 65-ը Շիրակի մարզի բնակիչ է։
Մարզում այսօրվա դրությամբ տնային ինքնամեկուսացման ցուցում ունի 1045 քաղաքացի, նրանցից 263-ի մոտ դրական ախտորոշում կա՝ հիվանդության անախտանիշ ընթացքով։ Նրանց հսկողությունն իրականացվում է առողջության առաջնային օղակի կողմից։
Մարտի 1-ից մինչ օրս Շիրակի մարզի բուժհաստատություններում և հիվանդությունների վերահսկման և կանխարգելման ազգային կենտրոնի մարզային կենտրոնում իրականացվել է 5203 նմուշառում, մայիսի 12-ից հուլիսի 6-ը ներառյալ Գյումրիում իրականացվել է 3849 նմուշառման հետազոտություն։
Հուլիսի 6-ին հաստատվել է կորոնավիրուսային հիվանդության 45 նոր դեպք։ Ավելի վաղ մեզ հետ զրույցում Շիրակի մարզպետարանի առողջապահության և սոցիալական ապահովության վարչության պետի ժամանակավոր պաշտոնակատար Լեյլի Ասլանյանը նշել էր, որ այս պահին վարակի ամենամեծ օջախը Գյումրին է, կորոնավիրուսի դեպքեր էլ արձանագրվել են մարզի բոլոր տարածաշրջաններում։
Մինչ օրս կորոնավիրուսից առողջացել և հիվանդանոցից դուրս է գրվել Շիրակի մարզի 320 բնակիչ։ 43 հիվանդներ տեղափոխվել են մայրաքաղաք: Ընդհանուր առմամբ, մարզում արձանագրվել է մահվան 24 դեպք:
Էմմա Չոբանյան
